Linguas algoncian
![](http://upload.wikimedia.org/wikipedia/commons/thumb/1/11/Algic_langs.png/391px-Algic_langs.png)
La linguas algoncian es un sufamilia de la familia de linguas american orijinal cual on nomi algic. (Sola du linguas de la familia algic no es algoncian: wiot e iuroc, ambos en California norde.) La familia algoncian es nomida per la lingua algoncian, e on no debe confusa la lingua con la familia. La nom veni de la parola elakómkwik (IPA: [ɛlæˈɡomoɡwik]), cual sinifia "los es nos aliadas o relatadas" en la lingua malisit. Oji, multe linguas algoncian es en peril de estingui, e alga es ja estinguida.
Parlores de linguas algoncian es trovada de la costa este de America Norde a la Montes Rocosa. On ia parla la protolingua algoncian a minima 3000 anios ante aora, cisa prima sur la planos de Canada sentral. La popla ia estende se a este e a la forestas de la sude-este. La linguistes Joseph Greenberg e Merritt Ruhlen ia sujesta ce esta familia de linguas es relatada a la linguas su e irocuoi, cual ia orijina cisa sur la planos de la SUA norde sentral, a sude de la algoncianes.
Sentral e Plano (clasi areal)
Algoncian este (un vera sufamilia)
- Micmac
- Abenaci e penobscot
- Abenaci e Penobscot este
- Abenaci e Penobscot ueste
- Malisit e pasamacuodi
- Etxemin? (datos minima; cisa un dialeto norde de masatxuset)
- England Nova sude
- Delauar (Delaware)
- Nanticoc e conoi
- Pamlico (ance nomida algoncian de la Carolinas)
- Pohatan (ance nomida algoncian de Virginia)
- Xinecoc