ختامية عام 2024 تذهب الى تحفة تارانتينو Pulp fiction👑

تلوموني لما اقول ان ترانتينو اسلوبه بالكتابه والسرد واخراجه رائع ؟ ؟ ؟
ومايحسسك بملل بداخل افلامه الطويله ، عشان كذا احنا نعشق الملك
ترانتينو وافلامه ولمسته السينمائيه الخالصه، هنا اخرج لك تحفه غيرت
في مجال السينما الكثير باخراج عالي ومزيج بين الدراما والكوميديا
والاكشن،لما يجيك فلم اكشن مع كوميديا وباخراج ترانتينو مستحيل تمل

كيف اتكلم عن سرد القصه؟ حرفيا استمتعت بكل قصه داخل القصه 
تنوع القصص ابدا ما اثر على السرد وبالعكس زادها جماليه بربطها 
في الاخير ونقطه السرد الغير واضح كان جميل ومعطي جو بالفلم و
لو انعرض الفلم بالسرد الطبيعي للاحداث 100٪ بيكون الفلم ممل و
غير قابل للمشاهده او بيكون عادي لكن ترانتينو اعطى الفلم لمسه من
لمساته المعتاده

شخصيات الفلم مستحيل انساها كل شخصيه ضحكتني وكل شخصيه
لها جوانب دراما وكوميديه خلتني اغوص بتعمق فيها ، فينسنت رهيب
وشخصيته مره جميله لكن نهايتها ماعجبتني لدرجه ماتوقعت ابدا يموت
بالمشهد قلت مستحيل يموت لكن انصدمت فعلا، جولز على انه مشاهده
قليله مقارنه بالباقي الا كانت مشاهده كلها رهيبه والصراحه نصوصه
كانت فخمه ترانتينو ابدع بحوارات الفلم وتوظيفها، ميا والاس المشاهد
الي طلعت فيها من افضل مشاهد عالم السينما ‼️ يب يب من افضل
المشاهد لانها حرفيا ايقونيه مشهد الرقص في المطعم مع فينسنت؟ هذا
مشهد رمزي للافلام اساسا مايحتاج اتكلم عنه ومشاهدها الباقيه في
البيت ورقصها لوحدها حرفيا مستحيل انسى مشاهدها هالشخصيه، 
شخصيه بوتش غثتني شوي مرات بس انه اعطى جو للفلم 

في نهايه المراجعه حاب اقول ختاميه رائعه رائعه لسنه 2024 وكان
اختيار مناسب لوقت مناسب، من اجمل سنواتي في عالم الافلام
كانت سنه سينمائيه رائعه بكل المقاييس، 233 فلم كان مجمل هذي
السنه الرائعه، الى اللقاء نلقاكم في 2025 ❤️

10/10 ⭐️.