Syndicat intercommunal à vocation multiple des villes et communes luxembourgeoises pour la promotion et la sauvegarde d'intérêts communaux généraux

SYVICOL

Syndicat des villes et communes luxembourgeoises
Leedung	Emile Eicher
Verwaltungssëtz	Lëtzebuerg
Membergemengen	Ärenzdallgemeng, Bäerdref, Bartreng, Bauschelt, Bech, Beefort, Beetebuerg, Helperknapp, Bettenduerf, Betzder, Biekerech, Biissen, Biwer, Bous, Buerschent, Colmer-Bierg, Conter, Déifferdeng, Diddeleng, Dikrech, Dippech, Duelem, Ell, Ëlwen, Esch-Sauer, Esch-Uelzecht, Ettelbréck, Feelen, Fëschbech, Fiels, Fluessweiler, Fréiseng, Garnech, Géisdref, Gréiwemaacher, Groussbus, Habscht, Iechternach, Ierpeldeng op der Sauer, Hesper, Hiefenech, Jonglënster, Käerch, Käerjeng, Keel, Kielen, Kiischpelt, Klierf, Konsdref, Koplescht, Leideleng, Lenneng, Lëntgen, Lëtzebuerg, Luerenzweiler, Mäertert, Mäerzeg, Mamer, Manternach, Miersch, Monnerech, Munneref, Nidderaanwen, Noumer, Parc Housen, Péiteng, Pëtschent, Préizerdaul, Rammerech, Reckeng op der Mess, Réiden op der Atert, Réimech, Reisduerf, Réiser, Rëmeleng, Rouspert-Mompech, Sandweiler, Schëffleng, Schengen, Schëtter, Schieren, Sëll, Stadbriedemes, Stauséigemeng, Steesel, Stengefort, Stroossen, Suessem, Tandel, Useldeng, Veianen, Viichten, Wäiswampech, Wal, Waldbëlleg, Waldbriedemes, Walfer, Wanseler, Weiler zum Tuer, Wëntger, Wolz, Wuermer
Gegrënnt	29. November 1986
Websäit	https://www.syvicol.lu

De Syndicat intercommunal à vocation multiple des villes et communes luxembourgeoises pour la promotion et la sauvegarde d'intérêts communaux généraux, kuerz SYVICOL ass en interkommunale Syndikat, deen all d'Gemenge vum Lëtzebuerger Land zesummeschléisst.

No dem Artikel 1 vun de Statuten ass SYVICOL den Akronym fir: Syndicat des Villes et Communes Luxembourgeoises.

D'Büroe vum Syvicol fënnt een op Nummer 3 an der Rue Guido-Oppenheim an der Stad Lëtzebuerg.

Statute

Seng Statute goufen duerch Arrêté grand-ducal vum 29. November 1986 festgehalen (Mémorial B-87: 1612).

Déi neist Statute sinn den 20. Juli 2006 am Mémorial (B-53: 778-782) publizéiert ginn.

Geschicht

AVCL

D'Virgängerorganisatioun war d'AVCL (Association des villes et communes luxembourgeoises), déi zanter 1951 d'Interesse vun de lëtzebuergesche Gemengen op europäeschem an internationalem Plang vertrueden huet. Presidente waren:

AVCL

President	vun	bis
Hubert Clement	1951	1954
Antoine Krier	1954	1963
Henry Cravatte	1964	1964
Jos Wohlfart	1965	1970
Henry Cravatte	1970	1986

D'AVCL war e Veräin deen d'Gemengen ni all konnt vertrieden. Bis d'Mëtt vun den 1980er Jore ware follgend Gemengen nach net bäigetrueden: Esch/Uelzecht, Diddeleng, Suessem, Réiser a Schëffleng.

SYVICOL

Ënner dem Impuls vum Henry Cravatte gouf 1986 d'AVCL opgeléist an de Syvicol an d'Liewe geruff.

Zanter 1993 sinn all d'Gemenge vum Land Member vum Syvicol. Presidente waren:

SYVICOL

President	vun	bis
Henri Cravatte	1986	1990
Léon Bollendorff	1990	1983
Norbert Konter	1994	1999
Jean-Pierre Klein	2000	2009
Dan Kersch	2009	2012
Emile Eicher	2012

Kuckt och

• Lëscht vun de Lëtzebuerger Gemengen

Um Spaweck

• Websäit vum SYVICOL
• Statute vum Syvicol op legilux.lu