Faksimile

Faksimile vun enger Säit aus dem Stricker sengem Karl der Grosse

Facsimile vun enger Säit aus dem Rudolf von Ems senger Weltchtonik

E Faksimile ass eng méiglechst präzis Kopie vun enger Virlag, meeschtens vun enger aler oder wäertvoller Bucheditioun, engem Dokument, wéi z.B. engem Manuskript (lat. fac - maach, simile - d'selwecht). Dobäi gëtt d'Schrëftbild esou erëmginn, wéi et am Original ass, inklusiv Biller asw., mee och z.B. Schiet um Originaldokument (Flecken, Lächer, asw.).

Et ass z'ënnerscheede vun enger Transskriptioun, wou ee just den Text an engem aneren Dokument wuertwiertlech ëremgëtt. Et gi Verlagen, déi op d'Editioun vu Faksimileë spezialiséiert sinn.

D'Wuert "Fax" ass déi amerikaniséiert Ofkierzung vun der selwechter laténgescher Wuerzel.

Statuen, déi op ëffentleche Plaze stinn, si geleeëntlech Faksimileeën, vun deenen den Original op enger sécherer Plaz steet:

• Véiergëttersteen op Schéimerech
• De Fiisschen um Knuedler
• Den Altor vun der Helzerklaus