Carleolum
Carleolum[1] (Anglice Carlisle), a Romanis Luguvallium[2] nuncupata, est urbs Angliae septentrionalis in comitatu Cumbria sita. Secundum censum anni 2001, 71 773 incolae adsunt.
Historia
[recensere | fontem recensere]Antiquior urbis pars in meridiana Itunae amnis ripa in situ vici cuiusdam Celtici a Romanis exstructa est, qui ad terminum Valli Hadriani castra ibi construxerunt. Coenobium Augustinianum anno 1123 conditum, a Normannis aedes cathedralis post annos decem creatum est, abbate Athelwoldo consecrato primo Episcopo Carliolensi. Rex Gulielmus Rufus fecit ut Castellum Carliolense, quod adhuc intactum restat, anno 1092 construeretur; saepe pro carcere esse solebat, et hic Maria Regina Scotorum in vinculis olim coniecta est. Urbs hodierna nota est propter ferrivias et biscoctas.
Incolae noti
[recensere | fontem recensere]- Gulielmus Thomas Best (1826–1897), organista
- Michael Figgis (*1948), moderator cinematographicus
- Georgius MacDonald Fraser (*1926), scriptor
- Greg Ridley (1947–2003), musicus
Notae
[recensere | fontem recensere]- ↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3. Aliter Carliolum, Carleolium, Caerliolum, et similia.
- ↑ Aliter Luguvalium, Lagubalium, Luguvallum.
Bibliographia
[recensere | fontem recensere]- "Luguvalium" in A. L. F. Rivet, Colin Smith, The Place-Names of Roman Britain (Londinii: Batsford, 1979), p. 402.
- "Carlisle" in Tabula Imperii Romani: Britannia septentrionalis (Londinii: Oxford University Press, 1987. ISBN 0197260594), pp. 17–18.
- John Wacher, The Towns of Roman Britain (Londinii: Batsford, 1954), pp. 405–407
- Numismatica
- John Mattison, Peter Cherry, "The Carlisle mint coinages of Henry I, Stephen, David I and Earl Henry" in British Numismatic Journal vol. 83 (2013) pp. 101-111
Nexus externi
[recensere | fontem recensere]- "Luguvalium" apud Pleiades (situs a Rogero Bagnall et Ricardo Talbert editus) (Anglice)
 |