Innocentius III
![Innocentius III: imago](http://upload.wikimedia.org/wikipedia/commons/thumb/e/ee/Pope_Innocent_III_%28Monastery_of_Subiaco%29.jpg/150px-Pope_Innocent_III_%28Monastery_of_Subiaco%29.jpg)
Obitus: 16 Iulii 1216; Perusia
Nomen nativum: Lotario de' Conti di Segni
Pontificatus
Innocentius III (nomine primo Lotharius Signinus seu de comitibus Signiae; natus anno circiter 1160 Gavignani; Perusiae die 16 Iulii 1216 mortuus), theologus et iuris consultus, fuit Papa, id est, episcopus Romanus a die 8 Ianuarii 1198. Fuit inter celeberrimos pontifices Medii Aevi et praeclarus iuris canonici doctor.
Lotharius Signinus, Romae a principio educatus, philosophiae et theologiae apud Parisienses studuit. Ibi contubernium habebat Ioannem de Tociaco;[1] eisdem annis Robertus de Cursone et Conradus de Querfurt alumni fuerunt, Stephanus Langton aut alumnus aut iam magister.[2] Lotharium in rebus theologicis docuit Petrus de Corbolio;[3] audivisse censetur David de Dinant. Eo tempore apud Parisienses de theologia Petri Lombardi disputabatur.[4] Innocentius vitam et studia Parisiensia in scriptis suis interdum refert.[5] Ob annos iuventutis ibi transactos Franciam laudavit "regnum benedictum a Deo".[6] Regi Philippo II sic adloquitur: "Tibi et regno tuo specialiter nos fatemur teneri, in quo nos recolimus in studiis litterarum aetatem transegisse minorem, ac divino munere quantaecunque scientiae donum adeptos, beneficiorum impensam multiplicem suscepisse,"[7] sic autem episcopis Francicis: "Reducentes ad mentem et infra nos ipsos saepius recolentes beneficia nobis olim in ipso regno scholasticis insistentibus disciplinis impensa, nos tam regi quam regno specialiter teneri fatemus."[8]
Annis studiorum paene absolutis iter Cantuariam fecit.[9] Aut cum cardinale Octaviano profectus est, aut eum in itinere occurrit: ambo enim, ab Anglia rediti, ad abbatiam Grandismontis venerunt medio anno 1187; ambo Romae fuerunt inter menses Octobrem et Decembrem sub pontificatu Gregorii VIII, qui Lotharium subdiaconum creavit.[10]
Deinde ab autumno anni 1187 iuri Bononiae studuit. Anno 1190 Cardinalis creatus est.
Pontificatus
[recensere | fontem recensere]![](http://upload.wikimedia.org/wikipedia/commons/thumb/b/ba/Papal_Bulla_of_Innocent_III_%28FindID_235228%29.jpg/220px-Papal_Bulla_of_Innocent_III_%28FindID_235228%29.jpg)
Quarta expeditio sacra tempore Innocentii annis 1203 et 1204 saevivit; ille quintam proclamavit (epistula "Quia maior nunc" anno 1213 missa) sed non vidit; illius iussu (per epistulas "Rem crudelem", "Ut contra crudelissimos" et "Benedicti vos")[11] expeditio sacra in Albigenses anno 1209 incepta est; ille etiam expeditionem Hispanicam praeparavit (bulla "Recepimus litteras") anni 1212. Innocentius III regulam fratrum Franciscanorum confirmavit et initia Ordinis Dominicani fovebat.
![](http://upload.wikimedia.org/wikipedia/commons/thumb/1/13/Giotto_di_Bondone_%28und_Werkstatt%29_002.jpg/220px-Giotto_di_Bondone_%28und_Werkstatt%29_002.jpg)
Ad expeditionem in Albigenses suadendam die 1 Martii 1209 legatos misit duos, scilicet Milonem qui iam notarius apud eum meruit[12] et Thedisium canonicum Genuensem.[13]
Mors
[recensere | fontem recensere]Episcopus Iacobus de Vitry enarrat: Post hoc veni in civitatem quandam que Perusium nuncupatur, in qua papam Innocentium inveni mortuum, sed nundum sepultum, quem de nocte quidam furtive vestimentis preciosis, cum quibus sci <licet sepeliendus> erat, spoliaverunt; corpus autem eius fere nudum et fetidum in ecclesia reliquerunt. Ego autem ecclesiam intravi et ocul<a>ta fide cognovi quam brevis sit et vana huius seculi fallax gloria.
Opera
[recensere | fontem recensere]- De miseria humanae conditionis
- De quadripartita specie nuptiarum
- De sacro altaris mysterio
- 1199 : "Cum ex iniuncto" (Textus apud Vicifontem; versio Anglica)
- 1199 : "Sicut Ecclesiarum praelatis" (Textus apud Vicifontem; versio Anglica)
- 1199 : "Ea est in fovendis" (Textus apud Vicifontem; versio Anglica)
Fontes vitae et rerum gestarum papae Innocentii III
[recensere | fontem recensere]- Gesta Innocentii Papae III
- Giraldus Cambrensis, De rebus a se gestis
- Guillelmus Andrensis, Chronica Andrensis Textus
- Caesarius Heisterbachensis, Dialogus miraculorum 2.11
Notae
[recensere | fontem recensere]- ↑ Stephanus Tornacensis, PL vol. 211 col. 530; cf. Innocentius III, PL vol. 217 coll. 52-53
- ↑ G. Lacombe, B. Smalley, "Studies on the commentaries of Cardinal Stephen Langton" in Archives d'histoire doctrinale et littéraire du Moyen Âge vol 5 (1930) pp. 5–266 esp. pp. 8, 22-23, 166
- ↑ Regesta 1.478, 1.480, 6.236; Gesta Innocentii Papae III 56; Grabmann (1941) pp. 5-6, 61-62
- ↑ Tillmann (1954) cap. 1
- ↑ Innocentius III, PL vol. 217 coll. 1175-1176; Innocentius III, "Miramur non modicum et movemur" apud Henricus Seuse Denifle, Chartularium Universitatis Parisiensis vol. 1 (Lutetiae: Delalain, 1889) pp. 72-73
- ↑ Regesta 7.42
- ↑ Regesta 1.171
- ↑ Regesta 2.197
- ↑ Guillelmus Andrensis, Chronica Andrensis pp. 737-738[nexus deficit]; Gervasius Cantuariensis, Chronica anno 1186 et alibi; cf. Tillmann (1954) cap. 1
- ↑ Gesta Innocentii Papae III 3; Tillmann (1954) cap. 1
- ↑ PL vol. 215 coll. 1354-1358, 1469-1471, 1545-1546
- ↑ PL vol. 216 col. 187
- ↑ Petrus Vallium Cernaii, Historia Albigensis ix.69-72
![](http://upload.wikimedia.org/wikipedia/commons/thumb/7/7f/Innocentius_III.jpg/220px-Innocentius_III.jpg)
Bibliographia
[recensere | fontem recensere]- Editiones operum et documentorum
- Opera D. Innocentii Pontificis Maximi, eius nominis III .... Coloniae: Ioannes Novesianus, 1552 (Textus apud Google Books)
- Innocentii III Romani pontificis opera omnia in Iacobus Paulus Migne, ed., Patrologia Latina (Lutetiae, 1844-1855) voll. 214-217 Textus apud documentacatholicaomnia Textus apud Gallica
- Franciscus Bosquetus, ed., Innocentii Tertii pontificis maximi epistolarum libri quatuor, regestorum xiii, xiv, xv, xvi, ex ms. bibliothecae Collegii Fuxensis Tolosae. Tolosae, 1635 (Textus apud Google Books); Franciscus Bosquetus, In epistolas Innocentii III pontificis maximi notae. Tolosae, 1635 (Textus apud Google Books)
- Marco Albertazzi, ed., Constitutiones Concilii quarti lateranensis - Costituzioni del quarto Concilio lateranense, La Finestra editrice, Lavis 2016.
- Christopher R. Cheney, ed., The letters of Pope Innocent III concerning England and Wales. Oxonii, 1967
- Christopher R. Cheney, W. H. Semple, edd., Selected letters of Pope Innocent III concerning England, 1198–1216. 1953
- I. Dujčev, ed., Innocentii PP. III epistolae ad Bulgariae historiam pertinentes. Serdicae, 1942
- Paul Fabre, ed., Le Liber censuum de l'église romaine. Lutetiae: Thorin, 1889. 5 fascc. (vol. 1 i-iv; vol. 2 v). Fasc. i ii iii iv v
- Othmar Hageneder, ed., Die Register Innozenz' III. 2 voll. Graeciae, 1964; Romae, 1979
- Theodosyj Haluscynskyi, ed., Acta Innocentii papae III. Romae, 1944
- Friedrich Kempf, ed., Regestum Innocentii III papae super negotio Romani imperio. Romae, 1947.
- Michel Prévost, André Lesort, "Bulles inédites des papes Eugène III, Lucius III, Célestin III et Innocent III" in Bibliothèque de l'école des chartes vol. 64 (1903) pp. 554-566
- Libri antiquiores
- Friedrich Hurter, Geschichte Papst Innocenz des Dritten und seiner Zeitgenossen. Hamburg: Perthes, 1834-1838 Vol. 1 2 3 4
- Achille Luchaire, Innocent III. Lutetiae, 1904-1908. 6 voll. vol. 1 2 3 4 5 6
- Bartholomaeus Platina, De vitis Pontificum Romanorum (1479) pp. 214-216 editionis 1600
- Horace K. Mann, The Lives of the Popes in the Middle Ages voll. 11-12: Innocent III. 2a ed. London: Kegan Paul, 1925 Vol. 11 12
- Libri et commentationes recentiores
- Friedrich Baethgen, Die Regentschaft Papst Innozenz III. im Königreich Sizilien. Heidelbergae, 1914
- Brenda Bolton, "Philip Augustus and John: two sons in Innocent III's vineyard" in D. Wood, ed., The Church and Sovereignty c. 590-1918: essays in honour of Michael Wilks (Oxonii, 1991) pp. 113-134
- Brenda Bolton, Innocent III: Studies on Papal Authority and Pastoral Care. Aldershot: Variorum, 1995 (Collected Studies, 490)
- Karl Burdach, "Der Kampf Walters von der Vogelweide gegen Innocenz III. und das IV. Laterankonzil" in Zeitschrift für Kirchengeschichte vol. 55 (1936)
- Christopher R. Cheney, Pope Innocent III and England. Stutgardiae: Hiersemann, 1976. ISBN 3-7772-7623-5
- Thomas Frenz, ed., Papst Innozenz III. Weichensteller der Geschichte Europas. Interdisziplinäre Ringvorlesung an der Universität Passau. Stutgardiae: Steiner, 2000. ISBN 3-515-07433-3
- John Gilchrist, "The Lord's War as the Proving Ground of Faith: Pope Innocent II and the Propagation of Violence (1198-1216)" in Maya Shatzmiller, ed., Crusaders and Muslims in Twelfth-Century Syria (Lugduni Batavorum: Brill, 1993. ISBN 90-04-09777-5) pp. 65-83 (Paginae selectae apud Google Books)
- Joseph Gill, "Innocent III and the Greeks: aggressor or apostle?" in Derek Baker, ed., Relations between East and West in the Middle Ages (Edimburgi, 1971) pp. 95-108
- M. Grabmann, I divieti ecclesiasticidi Aristotele sotto Innocenzio III e Gregorio IX. Romae, 1941 (Misc. hist. pont., vol. 5)
- Dietmar Hintner, Die Ungarn und das byzantinische Christentum der Bulgaren im Spiegel der Register Papst Innozenz' III. Lipsiae: Benno, 1976
- Manfred Laufs, Politik und Recht bei Innozenz III. Kaiserprivilegien, Thronstreitregister und Egerer Goldbulle in der Reichs- und Rekuperationspolitik Papst Innozenz' III. Coloniae: Böhlau, 1980. ISBN 3-412-02179-2
- John C. Moore, Brenda Bolton, James M. Powell, Constance M. Rousseau, edd., Pope Innocent III and His World. Aldershot, 1999
- John C. Moore, Pope Innocent 3rd 1160/61-1216: To Root Up and to Plant. Leiden: Brill, 2003. ISBN 90-04-12925-1
- James M. Powell, ed., Innocent III: Vicar of Christ or Lord of the World? Washington: Catholic University of America Press, 1994. ISBN 0-8132-0783-5
- James M. Powell, "Innocent III and Alexius III: a Crusade plan that failed" in Marcus Bull, Norman Houseley, edd., The Experience of Crusading vol. 1 (Cantabrigiae, 2003) pp. 96-102
- H. Roscher, Papst Innocenz III. und die Kreuzzüge. Gottingae, 1969
- Jane E. Sayers, Innocent III: Leader of Europe 1198-1216. Londinii: Longman, 1994
- Kenneth M. Setton, The Papacy and the Levant, 1204-1571. Vol. 1: The Thirteenth and Fourteenth Centuries. Philadelphiae: American Philosophical Society, 1976 (Textus apud Google Books)
- Damian J. Smith, Innocent III and the Crown of Aragon: The Limits of Papal Authority. Aldershot: Ashgate, 2004. ISBN 0754634922
- Julien Théry, "Innocent III, le rêve de la théocratie" in Le Moyen Âge des hérétiques: Les collections de L'histoire no. 26 (2005) pp. 58-61
- Helene Tillmann, Papst Innocenz III. Bonnae: Röhrscheid, 1954
- Heinrich Zimmermann, Die päpstliche Legation in der ersten Hälfte des 13. Jahrhunderts. Paderborn: Schöningh, 1913 Textus apud archive.org
- Aliae encyclopaediae
- Michael Hanst, "INNOZENZ III., Papst" in Biographisch-Bibliographisches Kirchenlexikon vol. 2 (Hammonae, 1990. ISBN 3-88309-032-8) , columnae 1281–1285 (Theodisce)
- Pope Innocent III in The Catholic Encyclopedia: an international work of reference (Novi Eboraci: Appleton, 1907–1914) (Anglice)
- "Innocent III (Pope)" in Encyclopaedia Britannica. 11a ed. (Sicagi, 1911) html djvu
- A. Iacobini, "Innocenzo III" in Enciclopedia dell' arte medievale (Romae: Treccani, 1996)
- Werner Maleczek, "Innocenzo III" in Enciclopedia dei Papi (Romae: Treccani, 2000); talia in Federiciana
- Raffaello Morghen, "Innocenzo III" in Enciclopedia Italiana (Romae: Treccani, 1933)
Nexus externi
[recensere | fontem recensere]![]() |
Vicimedia Communia plura habent quae ad Innocentium III spectant. |
- "Segni, Lotario dei conti di" e The Cardinals of the Holy Roman Church (situs a Salvatore Miranda elaboratus apud Bibliothecas FIU) (Anglice)
- "Innocent III (1198-1216)" e The Cardinals of the Holy Roman Church (situs a Salvatore Miranda elaboratus apud Bibliothecas FIU) (Anglice)
- John Paul Adams, "Sede Vacante 1198" et Documenta
- John Paul Adams, "Sede Vacante 1216" et Documenta