Baptismus
![](http://upload.wikimedia.org/wikipedia/commons/thumb/8/82/Del_sarto_Battesimo_della_gente.jpg/220px-Del_sarto_Battesimo_della_gente.jpg)
![](http://upload.wikimedia.org/wikipedia/commons/thumb/2/25/AugustineBaptism.jpg/220px-AugustineBaptism.jpg)
Baptismus aut Baptisma (-tis) (a Tertulliano etiam tinctio) est ostium ad omnia sacramenta et a quasi omnibus Christianis notus. Sacramentum Baptismatis explicite a Christo commendatur discipulis, in ultimis verbis Evangelii Matthaei:
- Et accedens Iesus locutus est eis dicens: “Data est mihi omnis potestas in caelo et in terra. Euntes ergo docete omnes gentes, baptizantes eos in nomine Patris et Filii et Spiritus Sancti, docentes eos servare omnia, quaecumque mandavi vobis. Et ecce ego vobiscum sum omnibus diebus usque ad consummationem saeculi”. Matthaeus 28:18-20
Momentum maximum a Iesu ipso proclamatur in evangelio secundum Ioannem:
- Respondit Iesus: “Amen, amen dico tibi: Nisi quis natus fuerit ex aqua et Spiritu, non potest introire in regnum Dei”. Ioannes 3:5
Iesus ipse a Ioanne Baptista est tinctus in flumine Iordane, non tamen in sacramentum sed in symbolum et ad aquas sanctificandas ad baptisma credentium, descendente Spiritu Sancto super eum in forma columbae. Catholici Romani festum baptismatis Iesu in dominica post sollemnitatem Epiphaniae Domini agunt.
Traditiones
In multis ecclesiis sacramentum baptismatis hoc modo efficitur haec verba dicendo et aquam ter super caput infantis infundo: "N., ego te baptizo in nomine Patris (fundit primo), et Filii (fundit secundo), et Spíritus Sancti (fundit tertio). Amen." In aliis ecclesiis, notissime in Ecclesia Baptistica, dictis eisdem verbis, baptizandus per totum corpus in aquam summergitur
Nexus interni
Nexus externi
![]() |
Vicimedia Communia plura habent quae ad Baptismus spectant. |