Quantum redactiones paginae "Capaneus" differant
No edit summary |
Etiam persona Inferni est |
||
Linea 12: | Linea 12: | ||
*[[Publius Papinius Statius|Statius]], ''Thebais'' |
*[[Publius Papinius Statius|Statius]], ''Thebais'' |
||
[[Categoria:Mythologia Graeca]] |
[[Categoria:Mythologia Graeca]] |
||
[[Categoria:Personae Divinae Comoediae (Inferno)]] |
Emendatio ex 14:09, 8 Aprilis 2023
In mythologia Graeca Capaneus (Graece: Καπανεύς), Hipponoi filius, est unus e septem ducibus qui Adrasto instigante Thebas oppugnarunt. Evadnae sive Iphiadis maritus Sthenelum genuit, Diomedis in Iliade comitem[1]. Impietate erga deos insignis habebatur ut qui cum Thebanos muros ascenderet exclamarit ne Iovem quidem fulmine suo ab urbe capienda se prohibere posse. Tum pater deum hominumque eum fulminavit atque e Thebanis moenibus combustum devolvit. In Euripideis Supplicibus, postquam corpora occisorum heroum Thesei iussu in Atticam reportata sunt, Capanei uxor Evadne maerore confecta sese in pyram mariti deicit[2].
Fortasse fatum e nomine duxit quoniam apud Euripidem legitur[3]ː Καπανέως ... δέμας καπνοῦται, hoc est 'corpus Capanei in fumum (καπνός) mutatur'. Dantes Capaneum in septimo Inferorum circulo collocavit[4].
Notae
- ↑ Ilias IV.403-410.
- ↑ Versus 990-1071. Hanc fabulam memoravit poeta Latinus Ovidius, Ars amatoria III.22-3 et Pontica III.1.111 (ubi Capanei uxorem Iphian appellat, hoc est Iphis filiam).
- ↑ Supplices 496-7.
- ↑ Divina Comoedia libro XIV.
Fontes
- Apollodori bibliotheca III.6.6-7.
- Aeschylus, Septem contra Thebas 421-455
- Euripides, Supplices 496-9, 639-640, 860-871 et Phoenissae 1128-1133 et 1178-1186
- Hyginus, Fabulae 168 et 170
- Statius, Thebais