Iosephus de Acosta

Iosephus, vulgo José de Acosta (Medinae Campi anno fere 1540 natus; mortuus Salmanticae in urbe die 15 Februarii 1600), missionarius et rerum Americanarum scriptor, auctor fuit operum Historia natural y moral de las Indias et De procuranda Indorum salute.

Iosephus de Acosta proles fuit familiae Iudaeorum conversorum. Novitius Iesuita annum tredecimum agens factus est. Anno 1570 in Americam missus est, ubi per Carthaginem Indiarum et portum Nominis Dei ad Peruviam profectus est. Ibi Andibus altissimo Pariacacae transitu permeatis, effectu altitudinis^(de) et keratitide nivali aegre superatis (quos morbos ille inter primos descripserit), obviam viceregi Francisco Toletano occurrit. De conversione Amerindorum Peruvianorum ab 1572 usque in 1583, deinde Mexicanorum usque in 1587 laboravit, eodemque tempore res geographicas, physicas, ethnographicas, biologicas observabat. In Hispaniam reditus has observationes praesertim in opere Hispanico Historia natural y moral de las Indias rettulit, Hispali anno 1590 edito; e quo libri I et II, de geographia "Novi Orbis", Latine dum in Peruvia morabat composuerat annoque 1589 Salmanticae divulgaverat sub titulo De natura novi orbis libri duo.

Scripta

1588-1589 : De natura novi orbis libri duo; et De promulgatione Evangelii apud barbaros ... libri sex. Salmanticae: apud Guillelmum Foquel Textus apud Internet Archive; alius; editio Coloniensis 1596
1590 : Historia natural y moral de las Indias. Hispali: en casa de Juan de Leon Textus apud Internet Archive
1590 : De temporibus novissimis. Romae: ex typographia Iacobi Tornerii Textus apud Internet Archive
1601 : Conciones de adventu. Coloniae Agrippinae: apud Antonium Hierat Textus apud Internet Archive

Bibliographia

Claudio M. Burgaleta, José de Acosta, S.J. (1540-1600): His Life and Thought. Chicagi, 1999
M. J. Caraccioli, "The Learned Man of Good Judgment: Nature, Narrative and Wonder in José de Acosta's Natural Philosophy" in History of Political Thought vol. 38 (2017) pp. 44-63
José R. Carracido, El p. José de Acosta y su importancia en la literatura científica española. Matriti: Sucesores de Rivadeneyra, 1899 Textus apud Internet Archive
Ivonne Del Valle, "From José de Acosta to the Enlightenment: Barbarians, Climate Change and (Colonial) Technology as the End of History" in Eighteenth Century: Theory and Interpretation vol. 54 (2013) pp. 435-459
Bryan Green, "Colonial Theodicy and the Jesuit Ascetic Ideal in José de Acosta's Works on Spanish America" (2016)
Girolamo Imbruglia, "The Invention of Savage Society: Amerindian Religion and Society in Acosta’s Anthropological Theology" in History of European Ideas (2013)
León Lopetegui, El padre José de Acosta SJ y las misiones. Matriti, 1942
Jérome Thomas, "L’évangélisation des indiens selon le jésuite Acosta dans le De procuranda indorum salute (1588)" in Cahiers d'étude du religieux vol. 10 (2012)