Ralph Allen
| Ralph Allen | |
|---|---|
 | |
| Genys |
1693  Kernow |
| Mernans |
29 Metheven 1764 Kervadhin |
| Kenedhlogeth |
 Kernow |
| Galwesigeth |
mester an post, person negys, omgemeryer |
Ralph Allen (1693 – 29 June 1764) o den negys ha dengarer a Gernow neb yw a vri rag y janjyow a gevreyth post Pow Sows ha Kernow.[1] Ev a worras fondyansow an gonis a-lemmyn moy es kans bledhen kyns dalleth Post an Diner.
Genys veu ev yn Kernow ha magys yn Tavern Duke William yn Lanndreth-Porth. Y vammwynn o mestres an post yn Sen Kolom Veur. Avel maw ev a wre oberi gensi ha kavos godhvos ow tochya Sodhva an Post. Hwithrer an Governans a verkyas hemma hag y avonsya orth soodh yn Karesk hag ena yn Kervadhin. Ena y feu ev henwys Mester an Post yn 1712, 19 y vloodh. Ev a besyas bos y'n soodh na bys pan verwis yn 1764.
Yn dedhyow na, pur lent ha podrek o gonis an post. Yth esa hwegh chif fordh an post ow tos a Loundres dhe rannow dyffrans a'n pow, y'ga mysk onan dhe Aberfala. Tollow an post o charjyes herwydh an niver a folennow ha'n pellder. Herwydh uusadow, y fedha lytherow tylys war hedhas. An brassa rann anedha a vedha danvenys dhe sodhva-sortya yn Loundres.
Allen a janjyas hemma yn feur. Ev a wre tyli rentyans bledhynyek settys orth Sodha an Post Ollgemmyn. Mars esa moy a arghans es henna, ev a'n gwithas. Meur a arghans o, yn brassa drefen ev dhe wul dhe'n gonis bos moy effeythus ha lel. Seul brassa a devi an ranndir yn-dann y vaystri, seul moy o an niver a daklow postys. Budhow a ynkressyas.
A-der y ober post, yth esa nebes mengleudhow dhodho dhe Combe Down yn Kervadhin. An re ma a askorras oolit, po men Kervadhin, rag ober drehevel. Ev a dhismygas fronn dhe worra war bub penn a'n kertys rag surhe sawder hag i ow diyskynna yn serth dhe'n dowrgleudh. Henwys veu Allen an mer a Gervadhin yn 1742.[1]
Yma'n erthygel ma owth usya an Furv Skrifys Savonek a-barth Kernowek kres.
|
|
Porth Kernow – Tre rag folennow ha klassys Wikipedya a-dro dhe Gernow. |