Vornichtungslajer
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ö Vornichtungslajer es ön Zoot va Konzentratiunslajer. Sö loore ä Pole un Wissrussland un deende mä dozo, möjelichst völl Jüdde un anger Mänsche, di öt NS-Rejiim net mi ha woohl, öm z brenge.
Ongerscheed tösche Konzentratiunslajer un Vornichtungslajer
[Ändere · der Quälltäx ändere]Konzentratiunslajere bouwde d Dütsche en öt janze Jebiit van öt Dütsche Reich. Dä Zweck bestäng doren, Mänsche, di öt Rejiim us dr Wäch rümme woohl, dörch Werk kapott z mache. Öt ischde Konzentratiunslajer ä Dachau wood sujar d Wält vorjestalld, öm zö zeeje, dat mo sich Mööhte joov, Lüüh op dr richtije Wäch z bränge. Beij Vornichtungslajere woch dat angisch. Kenne solld wesse, dat öt di joov. „Geheime Reichssache“ woch d Bezeechnung, di öt Rejiim dovör vorjoov, wat op Ripuaresch met „Jeheim Reichssaach“ övversatze weed.
Wo lore di Vornichtungslajer
[Ändere · der Quälltäx ändere]Di Vornichtungslajer van öt Dreides Reich lore ä Pole un Wissrussland un woode opjrond van d Wannseekonferenz aajeladd. Öt bekanndste woch dat Konzentratiunslajer Auschwitz-Birkenau, dat nävver sing Funktiun als Konzentratiunslajer och ä Vornichtungslajer woch. D sälve Dubbelfunktiun hod öt Lajer Majdanek. Vorjlichd mo beede, su sitt mo, dat Majdanek ön Nommer kleener als Auschwitz woch.
Reen Vornichtungslajere wore Belcez, Sobibór suwi die Lajere Treblinka un Chełmno.
Nävver di ä Pole liijende 6 Vornichtungslajere joov öt noch 2, di ä Wissrussland lore. Dat wor Bronnaja Gora suwi Maly Trostinez.
Watt en di Lajere aavjäng
[Ändere · der Quälltäx ändere]Di Lajere deente mä dozo, Mänsche ömzöbrenge. Dat solld wi en ön Fabrik aavloufe. Dobeij dorf öt kenn Schwirichkeete jävve un drusse solld kenne ervahre, watt em Lajer passerde.
Ön Övversich övver d Lajere jitt di Tabell:
| Naam | Land | Va | Bes | Zaahl Duude | Ömbraad dörch |
|---|---|---|---|---|---|
| Auschwitz-Birkenau | |||||
| Majdanek | |||||
| Belcez | |||||
| Sobibór | |||||
| Treblinka | |||||
| Chełmno | |||||
| Bronnaja Gora | |||||
| Maly Trostinez |
Woröm Vornichtungslajer jebouwd wode
[Ändere · der Quälltäx ändere]Z Aavang hodde d Dütsche vorsood, dörch Erschösse di Ziile van d Wannseekonferenz dörch z sätze. Dat fluppde ävver net. Lüüh, di angere erschoße hodde, leete bald dr Kopp hange, woode krank övv veele janz us. Däjännije, dä Lüüh ömbrängd, dä solld singe Opfere janät kenne. Usserdäm sollde di Berch va Duude us dr Wäch jerümmd wäde, watt dörch vass installeerde Övvend zr Lischevorbrännung ömjesatze wood. Beij öt Aaläje van Vornichtungslajer woode dorop jeacht, dat Baahnvorbindunge d Opfere zo d Stelle brenge kutte, wo sö ömjebraad wäde sollte.