Kirshejoor
Et Kirchejoor rejelt wann de Christe bestimmte Feste un Namensdare fiere. Et jitt Huhfeste wie Weihnachte, Ostere un Pingste, un janz jewöhnliche Dach. Dä Bejriff is em 16. Jahrhundert injeführt wudde, als et ene neue Kalender jov der vun däm vun de Kirch avweeche dät.
Jrundsätzlich han die drei jruße Christliche Kirche, nämlich de Katholische, de Evangelelische un de Orthodoxe, dä gliche Kalender. Et sin äver doch noch jede Menge Ungerscheed dobei.
De Fierdäsch
Hee ens en Oplistung vun dä wichtichste Fierdäsch im Kirchejoor:
De Weihnachstfesskreis
- 1. Advent - Et Kirchejoor fängk emmer am 1. Advent aan. Wobei dat immer de vierte Sonndach für Weihnachte is. De Adventszick is de Faastezick für Weihnachte.
- 25. Dezember - Weihnachte
- 1. Januar - Neujoor
- 6. Januar - Hillije drei Könije, en Kölle am Dreijkünningsschrein em Kölner Dom besonders fässlich jefiert.
De Osterfesskreis
- De Fastezick - Die bejinnt am Äschermettwoch 40 Dach für Ostere
- Palemsonndach - Dä Sonndach für Ostere
- Jrööndonnersdach - Dä Donnerßdach für Ostere
- Karfridach - Dä Fridach für Ostere
- Karsamdach - Dä Samdach für Ostere
- Ostersonndach - Ostere fällt op dä eerste Sonndach nom eerste Vollmoond im Fröhling un is et hüxte Fess em Kirchejoor
- Wieße Sonndach - Dä Sonndach no Ostere
- Christi Himmelfaat - Dä Donnersdach 40 Daach no Ostere
De Pingsfesskreis
- Pingste - Dä Sonndaach 50 Dach noh Ostere
- Trinitatis - Dä Sonndaach noh Pingste
- Fronleichnam - Dä Donnersdach noh Trinitatis
Die foljende Fierdäsch zällen zom alljemeine Kirchejoor:
De Hillije
Över et janze Joor verdeilt sin die Fierdäsch vun de janze Hillije, die et en dä katholische un dä orthodoxe Kirch jitt. He soullen nur e paar wichtije kölsche Namensdare jenannt sin:
- 17. Januar - Antonius (Tünn)
- 21. Januar - Agnes (Nieß)
- 19. März - Josef (Jupp)
- 14. Mai - Matthias (Mattes)
- 24. Juni - Johannes (Scheng) - Mettsommernaach
- 29. Juni - Peter un Paul (Pitter, Paul)
- 24. Juli - Christine (Stina)
- 25. Juli - Jakob (Köbes)
- 26. Juli - Anna un Joachim de Eldere vun dä Motterjottes. Namensdach (Änn, Änni, Annemie, Joachim)
- 11. November - Määtes
- 19. November - Lissbätt
- 16. November - Gertrud (Traudt, Traudtsche) ???
- 25. November - Katharina (Tring, Kätt, Kättsche)
- 4. Dezember - Barbara (Bärbel, Bärbelsche)
- 6. Dezember - Nikkolaus
- 26. Dezember - Stephanus