Рейн бирлик бетни къайнагъына къара

{{Тарих кърал|аты=Рейн Бирлик|кеси аты={{lang-de|Rheinbund}}<br>
{{lang-fr|Confédération du Rhin}}|статусу=Францияны [[къаранчха кърал]]ларыны конфедерациясы|p1=Сыйлы Рим империя|flag_p1=Banner_of_the_Holy_Roman_Emperor_with_haloes_(1400-1806).svg|къуралгъанды=12 июль 1806|къурутулуннганды=4 ноябрь 1813|s1=Герман Бирлик|flag_s1=Flag of the German Confederation (war).svg|карта=Confederation of the Rhine (1812).svg|ачыкълау=Рейн бирлик 1812-чи джылда|ара шахар=[[Эркин шахар Франкфурт|Франкфурт]]|кърал оноу форма=[[Абсолют монархия]]ланы [[конфедерация]]сы|башчыланы чынлары1=[[Протекторат|Протектор]]|башчы1=[[I Наполеон]]|башчылыкъ этген джыллары1=1806—1813|башчыланы чынлары2=[[Примас]]|башчы2=[[Дальберг, Карл Теодор|Карл Теодор фон Дальберг]]|башчылыкъ этген джыллары2=1806—1813|башчы3=[[Богарне, Евгений|Принц Евгений Богарне]]́|башчылыкъ этген джыллары3=1813|параметрни ачыкълау1=[[Наполеоновские войны]]|Этап1=Къуралыу|Дата1=12 июль|Джыл1=1806|Этап2=[[Сыйлы Рим империя]] чачылады|Дата2=6 август|Джыл2=1806|Этап3=[[Халкъланы сермешиулери|Чачылыу]]|Дата3=4 ноябрь|Джыл3=1813}}

'''Ре́йн бирлик''' ({{lang-de|Rheinbund}}, {{lang-fr|Confédération du Rhin}}) — Францияны [[Ючюнчю коалицияны къазауаты]]нда хорламындан сора [[Сыйлы Рим империя]]ны [[Сыйлы Рим империяны чачылыуу|формал къоратыуундан]] сора император [[I Наполеон|I Наполеон Бонапарт]] къурагъан [[Суверенитет|суверен]] [[Германия|немец]] [[Кърал|къралланы]] [[Конфедерация|конфедерациясыды]].

Рейн бирликни болдурууну юсюнден кесаматха 1806-чы джылны 12-чи июлунда [[Париж]]де къол салыннганды. 

Кертиликде, Рейн бирлик, [[Биринчи Француз империя]]ны [[Протекторат|протектораты]] болгъанды. Аннга шагъатлыкъ этген эм азындан I Наполеонну Рейнни башсысы болгъанында протектор титулну алыуун да айтыргъа боллукъду.

== Ал тарих ==

[[Люневиль мамырлыкъ]] бла Франциягъа Рейнни сол джагъасында герман бёлгелени къошулуу бла Ара Европадагъы къралланы дуниясы джангыдан шекеллендириу андан ары бардырлгъанды. [[Империячы депутацияны ахыр бегими]] Сыйлы Рим империяда терен тюрлениулеге джол ачханды. Рейнни онг джагъасындагъы 112 уллу болмагъан, 3 миллион чакълы адам джашагъан империячы мюлк джангы къраллагъа бирлешдирилгендиле. Клиса территорияланы асламысы секуляризация болгъадыла, алгъыннгы эркин [[империячы шахар]]ланы асламысы медиатизация этилгендиле, ол себебден императорну власты кючлю азайгъанды. Пруссия тышында, мындан Баден кюрфюрстлюк бла Вюртенбург герцоглукъ хайырда болгъандыла. Къарыуу тауусулгъан Рим империяны ахыры джууукълашханды. II Франц Австрияны императору титулну алады. 1805-чи оджылда [[Ючюнчю коалицияны къазауаты]] башланнганында Бавария, Баден эмда Вюртенберг Наполеон бла бирликге киредиле.

[[Аустерлиц сермешиу]] бла [[Пресбург мамырлыкъ]]дан сора Бонапарт Европадагъы эмда герман къралладагъы позицияларын кенгертирге эмда бегитирге амал алады. Австрия бир къауум территориясын берирге керек къалады, Наполеон кесини къарнашлары Жозеф бла Людовикни Неаполь бла Голландияны короллары этеди, къайыны [[Мюрат, Иоахим|Иоахим Мюрат]]  [[Бергни уллу герцогу|Берг герцог]] болады. Наполеон Баден бла, Бавария эмда Вюртенберг бла бирликге ышанады. II Франц дженгилиуюнден сора  Бавария бла Вюртенбергни статусларын короллукълагъа дери кёлтюрюуге разылыгъын берирге керек къалады. Баден, Гессен-Дармштадт эмда Берг уллу герцоглукъ статусланы аладыла. Аны тышында Бавария бла Вюртенберг Наполеонну джууугъу боладыла: Жером Бонапарт Екатерина Вюртенбергчи бла, Стефани де Богарне — Шарль Людовик Баденчи бла, Эжен де Богарне Огюст Бавариячы бла юйдегили болгъандыла. Францияны разылыгъы бла къалгъан империячы мюлкле ара штатлагъа къошулгъандыла. Эм бек эс бёлюннген Рейн конфедерацияны къурау болады<ref>Max Braubach: ''Von der französischen Revolution bis zum Wiener Kongress.'' München 1974, S.&nbsp;74–78; Fehrenbach, S.&nbsp;83–84.</ref>

== Къуралыу ==

1806 джылны 12, 16, 19 эмда 20 июлунда <ref>Die Ausfertigung für die französische Regierung wurde am 12. Juli von 14 der 16 Gesandten unterzeichnet (außer Berg und Württemberg); die restlichen Ausfertigungen unterzeichneten am 16. Juli alle Staaten (außer Württemberg); am 19. Juli setzte Napoléon I. seine Unterschrift unter die Akte; und am 20. Juli unterzeichnete der württembergische Gesandte als Letzter. [https://stadtarchiv-aschaffenburg.de/wp-content/uploads/2019/04/Mitteilungen_2_7_06_1989.pdf Mitteilungen aus dem Stadt- und Stiftsarchiv Aschaffenburg, Aschaffenburg 1989, Band 2, Heft 7, S. 269.] {{Wayback|url=https://stadtarchiv-aschaffenburg.de/wp-content/uploads/2019/04/Mitteilungen_2_7_06_1989.pdf |date=20230407000734 }}</ref> герман бийлени 16 келечиси [[Рейн бирликни къуралыууну юсюнден кесамат]]ха къол салгъандыла. Официал халда империядан айрылыб, Франция бла конфедерациягъа эмда аскер бирликге бирлешириклерин эмда Наполеон джакъчылары боллугъун баямлагъандыла.

1806-чы джылны 1-чи августунда Сыйлы Рим империядан чыгъыуну официал халда баямланнганды<ref>{{Cite web |url=http://www.documentarchiv.de/nzjh/1806/reichsaustritt-rheinbundstaaten.html |title=Lossagungsurkunde vom 1. August 1806 |access-date=2022-09-13 |archive-date=2023-03-23 |archive-url=https://web.archive.org/web/20230323010106/http://www.documentarchiv.de/nzjh/1806/reichsaustritt-rheinbundstaaten.html |deadlink=no }}</ref>, император мыннга къаршчы салыргъа мадары болмагъанды. 1806-чы джылны 6-чы августунда Наполеонну ультиматумуна II Франц кесини императорлукъ титулундан айрылгъанды эмда империячы мюлклени империяны аллында борчларындан бош этгенди.

1808-чи джылгъа Рейн бирликге дагъыда 20 немец кърал къошулгъанды. Пруссияны Франция бла урушда, 1806-чы джылны октябрында дженгилиуюнден сора кёб уллу болмагъан ара эмда шимал немец къралла да къошуладыла. Аны тышында 1807-чи джылда [[Вестфалия короллукъ]] къуралыб, башына [[Жером Бонапарт]] салынады. 1808-чи джылгъа Рейн бирликни эм кенгерген заманы болады: аны къурамында тёрт короллукъ, беш уллу герцоглукъ, онюч герцоглукъ эмда онджети бийлик болгъанды.

Империяны бир къауум алгъыннгы территориялары бир биринден айры къалгъандыла: Австрия бла Пруссия, [[Гольштейн-Глюкштадт|Гольштейн герцоглукъ]] бла Данияны королуну оноундагъы [[Швед Померания]], ганзачы шахарла [[Гамбург]], [[Любек]] эмда [[Бремен]] оккупациядагъы [[Брауншвейг-Люнебург кюрфюрстлюк|Ганновер кюрфюрстлюк]] француз аскерлени къолунда болгъандыла. [[Эрфурт бийлик]] туурадан француз императоргъа бойсуннганды эмда Рейн бирликде [[эксклав]] болгъанды.

1810-чу джылда шимал-кюнбатыш Германияны уллу кесеклери, аланы ичлеринде Эмс, Везер эмда Эльба сууланы аякълары да болуб, Уллу Британиягъа къаршчы бардырылгъан континентал блокаданы бардырыр ючюн, Францияны къурамына туурадан къошулгъандыла. 1811-чи джылда Бирликни джер джюзюню ёлчеми 325 752 кв. км, болгъанды, джашагъанланы санлары 14 608 877 адамгъа чыкъгъанды;<ref>Wehler, Band&nbsp;1, S.&nbsp;368.</ref>  аскер контингент да 119 180 адамгъа джетгенди. [[Варшава герцоглукъ]] Саксония бла энчи унияны юсю бла бирлик бла байламлы болгъанды.

==Конфедерация проектни джетишимсиз болууу ==

Майнцны кюрфюрстю [[Дальберг, Карл Теодор|Карл Теодор фон Дальберг]] Гейн Бирликни [[примас-бий]]и болуб салынады. Наполеонну анасыны къарнашы кардинал [[Феш, Жозеф|Жозеф Феш]] аны болушлукъчусу болуб салынады. Наполеонну къоруулауунда Дальберг эски [[рейх]]ни реформасын бардырыргъа умут этгенди. 

Рейн конфедерацияны юсюнден законнга кёре [[Аскер-политикалыкъ блок|аскер биригиу]] къралланы [[Конфедерация|конфедерациясы]] болургъа керек болгъанды. Мыннга кёре Рейнни Конфедерациясы ортакъ конституция органлагъа ие болургъа керек болгъанды: примас-бийни башлыгъында Бундестаг, баш федерал сюд эмда баш закон атлы конституция маталлы устав.

Дальберг Парижде конституцияны эки проектин теджегенди, алай а экисин да унамагъандыла. Ахырында бек бирикген конфедерациягъа умутланы Бавария бла Вюртенберг бузгъандыла. Ала короллукъ статусларын алгъанлары себебли Рейн бирлик джанындан хакъларын чеклендириулеринден къоркъгъандыла. Ол себебден, Дальберг 1806-чы дылда Бундестагны чакъыргъанында аладан келечиле келирге унамай къойгъандыла. Наполеон, Баварияны 1808-чи джылда [[Эрфурт конгресс]]де алландырыргъа кюрешсе да, унаталмагъанды. Француз экспертлеге джангы конституция хазырлатады, алай болса да ахырында хайырландырмазгъа оноу этеди.<ref>Fehrenbach, S.&nbsp;82.</ref>

== Француз интереслени къоруулау ==
Рейн бирликге къошулгъанла Наполеонну оноууна бек байалмлы болгъанды. Протекторну позициясы законда кескин джазылмаса да, Наполеон федерацияны джазыуун къолунда тутханды. Рейн конфедерацияны закону аннга аскер биригиуюлени юсюнден оноу этерге эркинлик бергенди. Наполеонну къарамлары бирликни къралларыны башчыларына Франкфуртдагъы штаб-фатарда француз келечи Теобальд Бахерни юсю бла, эмда империячы келечилени, сёз ючюн, Жак Клод Беньо кибиклени юслери бла билдирилгенлей тургъанды. Уллу Бийлик Бергге регентлик этгени себебли, кърал секретарь-министрлени Парижде белгилегенди.

Аллындан да Наполеон Францияны Пруссия эмда Австрияны арасында кючлю къралла къураб, чеклерин джакълар мураты болгъанды. Къуралгъан къраллада кесини абырайын бегитир ючюн ары кесини джууукъларын неда ышангылы адамларын башчыла этиб неда башчыла бла джууукъларын юйдегилендиргенди: кюёую Иоахим Мюратны (1806—1808) эмда къарнашындан туугъан[[Наполеон Луи Бонапарт|Наполеон Луи Бонапартны]] бир-бири ызындан Бергни уллу бийлери этгенди, къарнашы [[Жером Бонапарт]] Вестфалияны королу болгъанды, ёге джашы [[Эжен де Богарне]] — Уллу герцоглукъ Франкфуртну герцогу болгъанды, биринчи юй бийчеси Жозефина Богарнени бирдеги эгечи {{iw|Стефани Таше де ла Пажери||de|Stéphanie de Tascher de La Pagerie}} герцогиня Аренберг-Меппен болады, Иоахим Мюратны къарнашындан туугъан [[Мюрат, Мария Антуанетта|Антуанетта]] осуй принц [[Карл Гогенцоллерн-Зигмаринген|Карл фон Гогенцоллерн-Зигмарингеннге]] чыгъады, кюёую Феликс Бачоккини эгечинден туугъан {{iw|Фламиния ди Росси||de|Flaminia zu Salm-Salm}} осуй принц {{iw|Флорентин цу Зальм-Зальм|Флорентин цу Зальм-Зальмгъа|de|Florentin zu Salm-Salm}} чыгъады. Рейн бирлик Францияны башлыгъында экономикалыкъ эмда политикалыкъ джанындан бирикген Европа болдурур муратха къуллукъ этгенди.

Рейн бирликге киргенле керек болса аскер кючле берирге борчлу болгъандыла. Эм кенгерген заманда немец бийле 119 180 адамны бералгъандыла. Ала биринчи орунда француз къралны интереслерин джакълагъандыла эмда тюрлю-тюрлю сермешиу театрлада хайырдандырылгъандыла. Аскер кючюн кёлтюрюр ючюн, эмда аскер эффектлилигин ёсдюрюр ючюн эмда француз моделден тамалланнган аскер реформалагъа къошакъгъа, Наполеон Бирликни аскерлерине француз аскерде джюрюген къуралыш эмда административ элементлени киргизирге чакъыргъанды. Бу аскерлени корпус системагъа кёчюрюуден башлаб, аскер бёлеклени атларын эмда номерлерин француз джорукъгъа кёчюрюу, эм бек тереннге кетгенле уа француз тилни хайырланыб да башлагъандыла<ref>{{Literatur |Autor=Philipp Lintner |Titel=Im Kampf an der Seite Napoleons. Erfahrungen bayerischer Soldaten in den Napoleonischen Kriegen |Sammelwerk=Schriftenreihe zur bayerischen Landesgeschichte |Band=175 |Ort=München |Datum=2021 |ISBN=978-3-406-10790-0 |Seiten=45-59 |Online= |Abruf=}}</ref>.

Асламысында Рейн конфедерация Наполеонну оноуларына тышындан къарагъан болмаса къошулалмагъанды, сёз ючюн,континентал блокада бла байламлы сатыу-алыу политикада.

Француз интереслени къоруулар ючюн, Наполеон бир-бирде Бирликни суверенинетин да бузгъанды, сёз ючюн, талай къралны кючлегенди ([[Зальм бийлик(1802-1811)|Зальм бийлик]], [[Аренберг (герцоглукъ)|Аренберг]] бла [[Ольденбург (герцоглукъ)|Ольденбург]] герцоглукъланы). Рейн бирликни юсюнден законуна кёре, аннга къошулгъанны суверенитети къуру аны разылыгъы бла башха конфедератха берилирге болгъанды. Алай болса да, Франция конефедарт болмагъанлай, бу законну бузуб, суверенитетлерин кесине алгъанды.<ref>Rainer Wohlfeil: ''Napoleonische Modellstaaten.'' zitiert nach Fehrenbach, S. 219.</ref>.

Рейн бирликни къраллары ич политикада эркин болгъандыла, алай болса да мында да Наполеон кесини ауурлугъу бла реформаланы бардырыргъа кюрешгенди. Дальбергни нюзюрлери бузулгъандан сора, Бавария 1807-чи джылда Франциядагъыча реформаланы башлагъанды. Аланы ичинде конституцияны киргизиу, Граждан кодекс бла законланы джарашдырыу, аралыкълы бюрократ администрацияны къурау. Ганза шахарла бла Гессен-Дармштадт да Граждан кодексни киргизирге борчландырылгъандыла. Наполеонну нюзюрюнде кърал структураланы бирлешдириб, Европада француз бийликни сакълау болгъанды. Алай болса да, ишекли зат болса, политикалыкъ эмда аскер къарамла, либерал реформаладан алгъа салыннгандыла. Райнер Вольфейл белгилегеннге кёре, Наполеонну 
Рейн бирликни джангыдан къуралышыны реал концепциясы болмагъанды<ref name=":0">Fehrenbach, S. 84.</ref>.

Наполеонну политикасыны бир бёлюмю Француз революцияны буржуа идеяларына къаршчы баргъанды. Рейн бирликни актында [[Медиатизацияланнган юйле]]ни онглулукълары бегитилгенди. Джангы француз къуллукъчула эмда аскер башчылыкъ да кесини юлюшюн алгъанды. Сёзге, Вестфалия короллукъда бу «юлгюлю кърал» къурау нюзюрге аман джаны бла тийгенди. Халкъ аллындан бу идеяланы джаратхан эсе, энди кёлю чыгъа башлагъанды. Кърал иеликни кёбюсюн сатылыуу терен финанс кризисге келтиргенди, ол себебден налогланы кёлтюрюрге керек болгъандыла. Аны бла бирге аскерге чакъырыу, къазауатны эсеблери да халкъны инджитгенди эмда къозгъалыулагъа келтиргендпи<ref name=":0" />.

== Джаратылыуу эмда айныуу ==

[[XIX ёмюр]]ню башында Германия алкъын [[Сыйлы Рим империя|Герман миллетни Сыйлы Рим империясы]] болгъанды. Аны къурамында тюрлю-тюрлю эркинлик дараджасы болгъан 350-ден аслам кърал киргенди.

Алай а герман къралланы ичинде [[Пруссия (короллукъ)|Пруссия]], [[Саксония (короллукъ)|Саксония]], [[Бавария (короллукъ)|Бавария]], [[Вюртемберг королллукъ|Вюртемберг]] эмда артыкъ да [[Австрия империя|Австрия]] айры болгъандыла, ала Сыйлы Рим империяны къурамында эм уллу кърал къуралышла болгъандыла.

Къагъытда бу къралла [[Сыйлы Рим империяны императору|герман-рим императоргъа]] эмда [[рейхстаг (Сыйлы Рим империя)|империячы сеймге]] бойсунсала да, кертиликде толу бойсунмагъан кърал болгъандыла. Дворянланы къурамы бирча болмагъанды, ала короллагъа, бийлеге неда императорну кесине бойсуннгандыла; шахар халкъ патрициялыкъ юйдегиледен, шахарчы [[бюргер]]леден, шекиртледен эмда сохталадан къуралгъанды. Элчиле асламысы бла башларына бош болмагъандыла. Башха къраллагъа кёре, сёз ючюн, [[Британ империя|Ингилиз]] неда [[Франция]]гъа кёре, Германи0яны эконмика, социал эмда политика джанындан да артха къалгъан къралгъа санаргъа боллукъду.
{{цитата|Француз революция элия садакъча, Германия атлы хаосха кескин ургъанды<ref>Ф. Энгельс. Маркс К. и Энгельс Ф., Соч., т. 5, с. 7</ref>.}}
[[Наполеончу къазауатла]] герман джерлени картасын джангыдан бичгендиле: 51 [[эркин империячы шахар]]дан Наполеон къуру 5 къойгъанды, къалгъанла уллу къраллагъа берилгендиле. Ол къадар джюзле бла ууакъ [[бийлик]]ни, [[клиса джерле]]ни эмда империячы рыцарланы джерлерин джетгенди.
[[Файл:Huldigungderfürsten.jpg|thumb|330пкс|Рейн бирлик къуралгъан заманда бийлени [[ант]] этиулери. [[Мотте, Шарль|Мотте]] (1820—1830).]]

Рейн бирликни къуралгъаныны юсюнден кесаматха къол салыуда, 1806-чы джылны 12-чи июнунда, 16 къыбыла- эмда кюнбатыш-герман бийлик официал халда [[рейх]]ден чыгъыб Наполеонну [[патронаж]]ында [[конфедерация]]гъа бирлешгенлерин баямлагъандыла. Къол салыуну аллы бла Наполеон 24-сагъатлыкъ  [[ультиматум]] салады, аннга кёре, къол салыныргъа уналмаса француз аскерле къыбыла- эмда кюнбатыш-герман джерлени кючлерикдиле. Рейн бирликни юсюнден кесамтха къол салыннгандан сора талай кюнден, 1804-чю джылда [[Австрия империя]]ны императору болгъан [[II Франц]] Герман Миллетни Сыйлы Рим Империясыны тахтындан кетгенди эмда империяны чачылыуун баямлагъанды.

1808-чи джылгъа дери Рейн Бирликге дагъыда 23 немец кърал къошулгъанды. Пруссияны Франциягъа [[Йенадагъы сермешиу]]де хорланнганындан сора Бирликни къурамына кёб ара- эмда шимал-герман кърал да къошулады.

1808-чи джыл Рейн бирлик ёлчемини эм уллу болгъан заманы болады. Аны къурамында тёрт короллукъ, беш уллу герцоглукъ, онюч герцоглукъ, онджети бийлик эмда бойсунмагъан [[ганза|ганзачы]] шахарла [[Гамбург]], [[Любек]] эмда [[Бремен]] боладыла. Ахыргъыланы Рейн бирликге [[Ангальт-Дессау]] бий къошуб, герцог титул алады. Къошулмай къуру Пруссия, Австрия, [[Дания|Данияныкъы]] болгъан герцоглукъ [[Гольштейн]] бла [[Швед Померания]] къаладыла. [[1810 джыл]]да шимал Германияны уллу кесеклери, артыкъсыз да [[Эмс (суу)|Эмсни]], [[Везер (суу)|Везерни]] эмда [[Эльба (суу)|Эльбаны]] аякълары наполеончу Франциягъа туурадан къошуладыла, алай бла [[Уллу Британия бла Ирландияны бирлешген короллугъу]]ну къаршчы [[континентал блокада]]ны бардырыуун кесини къолуна алады.
[[Файл:Commemorative Medal of the Rhine Confederation.svg|thumb|left|Эсгериу медаль]]
Рейн бирлик асламысы бла аскер [[Альянс (биригиу)|альянс]] болгъанды, аннга киргенле Франциягъа кёб санда [[аскер контингент]]ле берирге керек болгъандыла. Аннга джууабха аланы кёбю статусларын кёлтюргендиле ([[Баден]], [[Гессен-Дармштадт]], [[Клеве]] бла [[Берг (графлыкъ)|Берг]] уллу герцоглукъла болгъандыла, [[Вюртемберг]] бла [[Бавария]] — короллукъла), аны тышында ууакъ хоншуларын къошуб джерлерин да ёсдюргендиле. Кесине шох Рейн бирликни къураб, Наполеон Францияны шимал-кюнчыгъышында уллу буфер территория болдургъанды. Наполеон Рейн бирликни аскерлерлерини тышында сатыу-алыу политикасына къатышхан оноула этгенлей тургъанды.

Кесамтха кёре Рейн бирликни ортакъ конституциялыкъ органлары болургъа керек болгъанды, алай бирликге къошулгъан уллу къралла унамагъанлары себебли бу болмагъанды. Башчылыкъ этген бий [[Дальберг, Карл Теодор|Карл Теодор фон Дальберг]] къургъан [[бундестаг]] Вюртенберг бла Бавария къошулургъа унамгъанлары себебли бир кере да джыйылмагъанды.

1813-чю джылда Наполеон [[Халкъланы сермешиую]]нде дженгиледи, Рейн бирлик да чачылады. Бюгюнлюкге Рейн бирликге кирген къралладан бойсунмаулугъун сакълагъан къуру [[Лихтенштейн]] бийликди.

Австрия бла Пруссия [[Алтынчы коалиция]]ны къурамында Наполеонгъа къаршчы хорламлы къазауатха къошулгъандыла эмда бу герман къраллагъа бирлеширге энтда бир шанс бергенди.

== Бирликге къошулгъанла ==
Берилген таблицалада Рейн бирликге кирген къралла, кирген даталары эмда чыгъаргъан аскер контингентлери (скобкалада) кёргюзюлгенди<ref>[https://archive.today/20110529142612/http://195.154.144.20/en/Template/chronologie.asp?idpage=464577&onglet=1 Creation of the Confederation of the Rhine, 12 July, 1806] {{webarchive|url=https://archive.today/20110529142612/http://195.154.144.20/en/Template/chronologie.asp?idpage=464577&onglet=1 |date=2011-05-29 }}</ref>:

=== Короллукъла эмда уллу герцоглукъла ===

{| class="wikitable unsortable" style="width:70%"
!  width="3%"  | Байракъ
!  width="25%" | Монархия
!  width="20%" | Къошулуу дата
!  width="*" class="unsortable" | Белгиле, берилген аскер
|-
| align="center" | {{flagicon image|Banner of Baden (3^2).svg}}
| align="left" | [[Уллу герцоглукъ Баден]]
| align="center" | 12 июль 1806
| Тамал салгъанланы бири; аллында [[маркграф]]лыкъ (8 000)
|-
| align="center" | {{flagicon image|Flag of Bavaria (striped).svg}}
| align="left" | [[Бавария короллукъ]]
| align="center" | 12 июль 1806
| Тамал салгъанланы бири; аллында [[герцог]]лукъ болгъанды (30 000)
|-
| align="center" | {{flagicon image|Flag of the Grand Duchy of Berg (1806-1808).svg}}
| align="left" | [[Уллу герцоглукъ Берг]]
| align="center" | 12 июль 1806
| Тамал салгъанланы бири; аллында [[Берг (графлыкъ)|Берг герцоглукъ]] болгъанды, артдан [[Клеве (герцоглукъ)|Клеве герцоглукъ]] къошулгъанды (5 000)
|-
| align="center" | {{flagicon image|Flag of the Kingdom of Westphalia.svg}}
| align="left" | [[Вестфалия короллукъ]]
| align="center" | 15 ноябрь 1807
| Наполеон къурагъанды (25 000)
|-
| align="center" | {{flagicon image|Flag of Württemberg before 1809.svg}}
| align="left" | [[Вюртемберг короллукъ]]
| align="center" | 12 июль 1806
| Тамал салгъанланы бири; аллында [[герцог]]лукъ болгъанды (12 000)
|-
| align="center" | {{flagicon image|Flag of the Grandduchy of Wurzburg.svg}}
| align="left" | [[Уллу герцоглукъ Вюрцбург]]
| align="center" | 23 сентябрь 1806
| Наполеон къурагъанды (2 000)
|-
| align="center" | {{flagicon image|Flagge Großherzogtum Hessen ohne Wappen.svg}}
| align="left" | [[Уллу герцоглукъ Гессен]]
| align="center" | 12 июль 1806
| Тамал салгъанланы бири; аллында [[Граф (титул)|ландграфлыкъ]] болгаънды (4 000)
|-
| align="center" | {{flagicon image|State flag of Saxony before 1815.svg}}
| align="left" | [[Саксония (короллукъ)|Саксония короллукъ]]
| align="center" | 11 декабрь 1806
| Аллында [[герцог]]лукъ болгъанды (20 000)
|-
| align="center" | {{flagicon image|Banner of the Electorate of Mainz.svg}}
| align="left" | [[Эрцканцлер]]ни джерлери ([[Регенсбург (архиепископлукъ)|Регенсбург архиепископлукъ]], [[Ашаффенбург бийлик]])
| align="center" | 12 июль 1806
| Тамал салгъанланы бири; 1810 джылдан — [[Файл:Wappen Großherzogtum Frankfurt.svg|22px]] [[Уллу герцоглукъ Франкфурт]]
|}

=== Княжества и герцогства ===

{| class="wikitable unsortable" style="width:70%"
!  width="3%"  | Байракъ
!  width="25%" | Монархия
!  width="20%" | Къошулуу дата
!  width="*" class="unsortable" | Белгиле, берилген аскер
|-
| align="center" | {{flagicon image|Flag of Anhalt Duchies.png}}
| align="left" | [[Анхальт-Бернбург]] герцоглукъ
| align="center" | 11 апрель 1807
| (700)
|-
| align="center" | {{flagicon image|Flagge Herzogtum Anhalt.svg}}
| align="left" | [[Анхальт-Дессау]] герцоглукъ
| align="center" | 11 апрель 1807
| (700)
|-
| align="center" | {{flagicon image|Flag of Anhalt Duchies.png}}
| align="left" | [[Анхальт-Кётен]] герцоглукъ
| align="center" | 11 апрель 1807
| (700)
|-
| align="center" | {{flagicon image|Flag of Arenberg (1803 - 1810).svg}}
| align="left" | [[Аренберг-Меппен]] герцоглукъ
| align="center" | 12 июль 1806
| Тамал салгъанланы бири; медиатизация болгъаны: 13 декабрь 1810 (4000)
|-
| align="center" | {{flagicon image|Flag of Waldeck before 1830.svg}}
| align="left" | [[Вальдек]] бийлик
| align="center" | 11 апрель 1807
| (400)
|-
| align="center" | {{flagicon image|Flag of Hohenzollern-Hechingen and Sigmaringen.png}}
| align="left" | [[Гогенцоллерн-Хехинген]] бийлик
| align="center" | 12 июль 1806
| Тамал салгъанланы бири (4000)
|-
| align="center" | {{flagicon image|Flag of Hohenzollern-Hechingen and Sigmaringen.png}}
| align="left" | [[Гогенцоллерн-Зигмаринген]] бийлик
| align="center" | 12 июль 1806
| Тамал салгъанланы бири (4000)
|-
| align="center" | {{flagicon image|Flag of Salm principalities (1798-1811).svg}}
| align="left" | [[Зальм бийлик (1802-1811)|Зальм бийлик]]
| align="center" | 25 июль 1806
| Тамал салгъанланы бири; 13 декабрь 1810 джыл Франция аннексия этгенди (4000)
|-
| align="center" | {{flagicon image|Flag of Isenburg County.svg}}
| align="left" | [[Изенбург бийлик| Изенбург-Бирштайн бийлик]]
| align="center" | 12 июль 1806
| Тамал салгъанланы бири (4000)
|-
| align="center" | {{flagicon image|Flag of the Principality of Leyen (1806-1813).svg}}
| align="left" | [[Лейен]] бийлик
| align="center" | 12 июль 1806
| Тамал салгъанланы бири; аллында [[Граф (титул)|графлыкъ]] болгъанды (4000)
|-
| align="center" | {{flagicon image|Flag of Liechtenstein (1719-1852).svg}}
| align="left" | [[Лихтенштейн]] бийлик
| align="center" | 12 июль 1806
| Тамал салгъанланы бири (4000)
|-
| align="center" | {{flagicon image|Flagge Fürstentum Lippe.svg}}
| align="left" | [[Липпе-Детмольд]] бийлик
| align="center" | 11 апрель 1807
| (650)
|-
| align="center" | {{flagicon image|Flagge Großherzogtümer Mecklenburg.svg}}
| align="left" | [[Мекленбург-Шверин]] герцоглукъ
| align="center" | 22 март 1808
| (1900)
|-
| align="center" | {{flagicon image|Flagge Großherzogtümer Mecklenburg.svg}}
| align="left" | [[Мекленбург-Стрелиц]] герцоглукъ
| align="center" | 18 февраль 1808
| (400)
|-
| align="center" | {{flagicon image|Flagge Herzogtum Nassau (1806-1866).svg}}
| align="left" | [[Нассау (герцоглукъ)|Нассау герцоглукъ]] (Узинген эм Вайльбург)
| align="center" | 12 июль 1806
| [[Файл:Flag of Nassau-Usingen.svg|22px]] [[Нассау-Узинген]] бла [[Файл:Flag of the House of Nassau Weilburg.svg|22px]] [[Нассау-Вейльбург]] бийликлени бирлешиниулери, экиси да Рейн бирликни тамал салгъанларындан болгъандыла (4000 хар бири)
|-
| align="center" | {{flagicon image|Flag of Oldenburg (Scandinavian Cross).svg}}
| align="left" | [[Ольденбург герцоглукъ]]
| align="center" | 14 октябрь 1808
| 13 декабрь 1810 джыл, Франция аннексия этгенди (800)
|-
| align="center" | {{flagicon image|Flagge Fürstentum Reuß ältere Linie.svg}}
| align="left" | [[Рёйсс (тамада бутакъ)|Рёйсс-Грейц]] бийлик
| align="center" | 11 апрель 1807
| (400)
|-
| align="center" | {{flagicon image|Flag of Reuss-Lobenstein.svg}}
| align="left" | [[Рёйсс-Лобенштайн]] бийлик
| align="center" | 11 апрель 1807
| (400)
|-
| align="center" | {{flagicon image|Flagge Fürstentum Reuß jüngere Linie.svg}}
| align="left" | [[Рёйсс-Шлейц]] бийлик
| align="center" | 11 апрель 1807
| (400)
|-
| align="center" | {{flagicon image|Flagge Fürstentum Reuß jüngere Linie.svg}}
| align="left" | [[Рёйсс-Эберсдорф]] бийлик
| align="center" | 11 апрель 1807
| (400)
|-
| align="center" | {{flagicon image|Blason Duché de Saxe-Weimar.svg}}
| align="left" | [[Саксен-Веймар]] герцоглукъ
| align="center" | 15 декабрь 1806
| (саксон герцоглукълагъа белгиленнген 2000-ни бир кесеги)
|-
| align="center" | {{flagicon image|Armoiries Saxe.svg }}
| align="left" | [[Саксен-Гильдбурггаузен]] герцоглукъ
| align="center" | 15 декабрь 1806
| (саксон герцоглукълагъа белгиленнген 2000-ни бир кесеги)
|-
| align="center" | {{flagicon image|Blason Duché de Saxe-Altenbourg.svg}}
| align="left" | [[Саксен-Гота-Альтенбург]] герцоглукъ
| align="center" | 15 декабрь 1806
| (саксон герцоглукълагъа белгиленнген 2000-ни бир кесеги)
|-
| align="center" | {{flagicon image|Armoiries Saxe.svg}}
| align="left" | [[Саксен-Кобург-Заальфельд]] герцоглукъ
| align="center" | 15 декабрь 1806
| (саксон герцоглукълагъа белгиленнген 2000-ни бир кесеги)
|-
| align="center" | {{flagicon image|Flagge Herzogtum Sachsen-Coburg-Gotha (1826-1911).svg}}
| align="left" | [[Саксен-Мейнинген]] герцоглукъ
| align="center" | 15 декабрь 1806
| (саксон герцоглукълагъа белгиленнген 2000-ни бир кесеги)
|-
| align="center" | {{flagicon image|Flagge Fürstentum Schaumburg-Lippe.svg}}
| align="left" | [[Шаумбург-Липпе]] бийлик
| align="center" | 11 апрель 1807
| (650)
|-
| align="center" | {{flagicon image|Flagge Fürstentum Schwarzburg-Sondershausen.png}}
| align="left" | [[Шварцбург-Зондерсхаузен]] бийлик
| align="center" | 11 апрель 1807
| (650)
|-
| align="center" | {{flagicon image|Flagge Fürstentümer Schwarzburg.svg}}
| align="left" | [[Шварцбург-Рудольштадт]] бийлик
| align="center" | 11 апрель 1807
| (650)
|}

== Картала ==
<gallery>
Файл:Rheinbund 1806, political map.png|Рейн бирлик 1806-чы джылда
Файл:Rheinbund 1808, political map.png|Рейн бирлик 1808-чи джылда
Файл:Rheinbund_1812,_political_map.png|Рейн бирлик 1812-чи джылда
</gallery>

==Белгиле ==
{{белгиле}}


[[Категория:Германияны тарихи]]
[[Категория:Тарих къралла]]
[[Категория:Францияны тарихи]]
[[Категория:Сателлит къралла]]
[[Категория:Францияны къаранчха къраллары]]