БМО-ну сабий фонду
БМО-ну сабий фонду неда ЮНИСЕФ (ингил. UNICEF, United Nations International Children’s Emergency Fund) — Бирлешген Миллетлени Организациясыны сабийлеге болушхан халкъла арасы фондуду. 1946 джылны 11 декабрында БМО-ну Генерал Ассамблеясыны оноуу бла къуралгъанды. Фондну нюзюрю — Экинчи дуния къазауатны заманында джарсыгъан сабийлеге болушхан болгъанды. Аллында фонд болджаллы болгъанды.
1953 джылда БМО, организацияны джумушларын кенгертгенди эмда болджалсыз этгенди. Фондха джангы ат аталгъанды — БМО-ну сабий фонду, эмда ЮНИСЕФ аббревиатура сакъланнганды. Фондну штаб-фатары Нью-Йоркда орналыбды.
1965 джылда БМО-ну сабий фондуна мамырлыкъны нобель премиясы берилгенди. 1989 джылда ЮНИСЕФ-ни эгидасында «сабийни джылы» программа ётгенди.
ЮНИСЕФ-ни баш органы — Толтуруучу кенгешди, аны, юч джыллыкъ болджалгъа, БМО-ну Экономика бла Социал Кенгеши сайлайды. Толтуруучу кенгеш харджыллыкъ сессияларын бардырады. 2010 джылны 1 майындан ЮНИСЕФ-ни толтуруучу директору американлы Энтони Лэйкди.
ЮНИСЕФ-ни эмблемасы «Барселона» Футбол клубну кёлеклеринде барды, алай болса да ЮНИСЕФ спонсор тюлдю. Каталон клуб, джыл сайын кесини бюджетинден фондха 2 миллион евро береди.
Джибериуле
тюзет- Официал сайты(ингил.)
- «Дети — особая забота Красного Креста» при поддержке ЮНИСЕФ (UNICEF)(орус.)
- Интервью с председателем UNICEF Deutschland Хайде Зимонис(орус.)
 Викигёзенде (Wikimedia Commons'да) бу категориягъа келишген медиа-файлла табарыкъсыз: БМО-ну сабий фонду.
|
 Бу, тамамланмагъан статьяды. Сиз болушургъа боллукъсуз проектге, тюзетиб эм информация къошуб бу статьягъа.
|