Майк Тайсон
 | Бұл мақаланы Уикипедия сапа талаптарына сәйкес болу үшін жетілдіру қажет. Осы мақаланы әрі қарай дамытуға көмектесіңіз. |
Туған жылы: маусымның 30-ы, 1966 жыл.
Дәрежесi: ең ауыр салмақтағы WBC дәрежесiнiң чемпионы (1986-90, 1996 жылдар);
Ең ауыр салмақтағы WBA дәрежесiнiң чемпионы (1986-90, 1996 жылдар);
Ең ауыр салмақтағы WBF дәрежесiнiң чемпионы (1987-90 жылдар).
Бойы: 180 см.
өзiн қарсыласынан ұстайтын қашықтығы: 180 см.
өткiзген ойындары: 50 жеңiс (44-i нокаутпен), 5 жеңiлiс, 2 ойын дұрыс өткiзiлмеген боп шешiлген.
1978 жыл. 12 жасар Майк Нью-Йорктың Бруклин қаласында қалта ұрлығымен ұсталып, тәртiбi қиын балаларды түзету мектебiне түседi.
1979 жыл. Түзету мектебiндегi спорт мұғалiмi Тайсонды танымал бапкер Каса ДАматоның тәрбиесiне бередi.
1984 жыл. Қос рет Олимпиаданың болашақ чемпионы Генри Триллманнан жеңiлiп, АҚШ-тың құрамасына ене алмайды.
1985 жыл. 6 наурыз күнi кәсiби бокстағы алғашқы қадамын жасап, алғашқы раундта-ақ қарсыласы Гектор Мерседестi нокаутқа түсiредi. Дәл осы жылы боксшының бапкерi К. ДАмато қайтыс болады.
1986 жыл. WBC дәрежесiнiң үздiгi Тревор Бербиктi екiншi раундта кiрпiк қаққызбай сұлатқан Майк бокс тарихындағы ең жас әлем чемпионы атанады.
1987 жыл. Тайсон WBA дәрежесiнiң чемпионы атанады да, бұл атаққа таласқан Пинклон Томасты техникалық нокаутпен ұтып, өз дәрежесiн қорғап қалады. Бұдан кейiн WBF дәрежесiнiң чемпионы Тони Такердi жеңiп, негiзгi үш WBA, WBC, WBF дәрежелерiнiң чемпионы атанады.
1988 жыл. Ларри Холмсқа төртiншi раундта, экс-чемпион Майкл Спинксқа алғашқы раундта-ақ рингтiң еденiн иiскетiп, нокаутқа түсiрсе, көше ортасында тағы бiр танымал боксшы Митч Гриннiң қолын сындырып тынады.
1989 жыл. Британдық Фрэнк Бруноны техникалық нокаутпен жеңiп, ойынды тез-ақ тәмамдайды.
1990 жыл. «Темiр» Тайсон ең iрi жеңiлiске душар боп, жинаған бүкiл дәрежелерiн Джеймс Дугластың мойнына iлiп бередi.
1991 жыл. Донован Раддокты техникалық нокаутпен жеңiп, қарымта кездесуде одан басымдығын тағы бiр дәлелдейдi. Осы жылы кезектi қылмысы үшiн ұсталған Тайсон 30 мың АҚШ долларымен аман құтылады.
1992 жыл. Қуанышы ұзаққа бармаған Тайсон 10 жылға сотталады.
1995 жыл. Уақытынан ерте бостандыққа шыққан Тайсон бұл жылы жаңа рекорд жасап, Лас-Вегаста Питер Маклинидi бар болғаны 89 секундта сұлатып түсiредi.
1996 жыл. Фрэнк Бруноны үшiншi раундта нокаутқа түсiрген «темiр» боксшы WBC дәрежесiн қайтарады. Алайда бұл дәрежеден Леннокс Льюиске қарсы шықпағаны үшiн айырылады да, WBA дәрежесiнде Брюс Селдонды алғашқы раундта нокаутқа түсiрiп, чемпион атанады. Дәл осы жылы Тайсон Эвандер Холифидтен 11-раундта техникалық нокаутпен ұтылады.
1997 жыл. Холифилдпен қайтара кездесуге шығып, үшiншi раундта қарсыласының құлағын қыршып алған Тайсонды Невада штатының атлеттiк комиссиясы боксерлiк лицензиясынан айыруға шешiм шығарады.
1998 жыл. Аталмыш комиссия Тайсонның iсiн қайта қарап, оған лицензиясын қайта алып бередi.
1999 жыл. 3 ай түрмеге жатып шыққан Тайсон Орлин Норриспен рингке шығып, оны раунд аяқталған соң ұрып жығады. Алайда бұл ойынға төрешiлер дұрыс өткiзiлген жоқ деп баға бередi.
2000 жыл. Рингке наша шегiп шыққаны анықталған соң, Тайсонның польшалық боксшы Анджей Голотаны жеңгенi тағы есептелмей қалады.
2002 жыл. Тайсон Леннокс Льюиспен кездесiп, одан сегiзiншi раундта нокаут алып, жеңiлiске ұшырайды.
2003 жыл. Жаңа рекорд - Тайсон Клиффорд Этьендi 49 секундта кiлемге құлатады.
2004 жыл. Тайсон тағы да сот алдында сенделiп жүрiп, британдық Дэнни Вильямстан жеңiледi.
2005 жыл. Ирландық Кевин Макбрайдпен кездесуде жетiншi раундтан соң рингке шығуға қарсы болған Майк өзiнiң кәсiби бокстан бiржола кеткендiгiн мәлiмдейдi. Үлгі:Link GA