Desmond Tutu

Desmond Mpilo Tutu kɛ ɛjaɖɛ nɖɩ payaɣ-ɖɩ size Afrika Hadɛ kiŋ hɔɔlʋʋ taa tɛtʋ taa pɩɣa yɔ yaa Afrika Hadɛ hɔɔlʋʋ taa kiŋ ɛjaɖɛ taa tʋ yɔ. Ɛkɛ abalʋ weyi ɛwɛna maɣzɩm kɩpam siŋŋ yɔ. Palʋla-ɩ aloma fenaɣ taa kɛ evemiye yaa kɩyakʋ lʋbɛ (7) n̄ɩŋgʋ wiye kɛ pɩnaɣ 1931 n̄ɩŋga taa.

Egeetiye yaa tɛtʋ lone nɖɩ ɖɩ-taa palʋla-ɩ yɔ, nɖɩ payaɣ size Klerksdorp tɛtʋ kɛ Afrika Hadɛ hɔɔlʋʋ taa kiŋ ɛjaɖɛ nɖɩ ɖɩ-taa peeɖe. Abalʋ ɛnɛ, ɛ-pɩcatʋ taa ɛɛkɛ pɩɣa ŋga kan̄aŋga camɩyɛ siŋŋ yɔ. Ka-tabalaa hɛkʋ taa, nɛ ka-caana ɛ-sɩnda pasaŋga kɛ kpeɖem. Kaasɔɔla aleɣya pɩtatɩɩ fɛɣɩ naʋ.

Lone wena a-taa kowoka payɩ yɔ, kaa sɔɔla ɖʋʋ sɔlɩm kana mba pɛwɛɛ yɔ pɛhɛkʋ taa. Ɖajaa sɔsɔ Desmond Mpilo Tutu ɛnɛ, ɛkɛ cɔjɔ sɔsɔ nɔɔyʋ kpem kɛ Iglisi ɛjaɖɛ taa krɩstʋ tɔm tisiu yɔ. Iglisi mba tɛ krɩstʋ Ɛsɔ tɔm tɛ ŋgbɛ nɖɩ payana Fransɩ kʋnʋŋ taa size anglican kɛ Afrika Haɖɛ hɔɔlʋʋ taa kiŋ ɛjaɖɛ taa peeɖe.

Ɖajaa ɛnɛ, pɩkɔma pɩnaɣ 1984 n̄ɩŋga taa ɛlɛ, pɔcɔna ɛ-tʋmɩyɛ kɩpanɖɛ labʋ nɛ sɔlɩm nɛ, pala kediza sɔsaɣ nakɛyɩ nɛ pɛtɛma lɛ, pɛcɛlɛyɩ samtʋ yaa niye mʋʋ tɛ takayaɣ. Ekiza yoŋ kedeŋa yɔɔ, nɛ pɩkɩlɩna ɛjaɖɛ taa ɖenɖe ɛlakaɣ pʋtʋmɩyɛ nɖɩ yɔ. Ɛlʋbana mʋlʋm, hɔzɩŋ nɛ malɩfanaa palɩ nɛ pazʋʋ yem yem kɛ ajɛɛ taa. Ɛlʋba siŋŋ ɖɔɖɔ, size eɖuu laŋhɛzɩyɛ nɛ leleŋ caɣʋʋ, nɛ pɩtasɩna ɖiu ɖiu caɣʋʋ tɛ pee kɩpana.

Ɖajaa ɛnɛ, ɛnʋ kɛna ubuntu Ɛsɔ tɔm kpɛlɛkʋʋ n̄ʋʋ tʋ. Ɛsɔ tɔm ŋgbɛ nɖɩ, ɖɩlʋkɩ samaɣ yaa ajɛɛ kpeyuu nɛ ceyuu paɣtʋ n̄am yɔ. Ɛsɔɔla Ɛsɔ samtʋ paa alɩwaayʋʋ ŋgʋ. Ubuntu Ɛsɔ tɔm kpɛlɛkʋʋ samaɣ nɛ ajɛɛ kpeyuu nɛ ceyuu ŋgbɛ nɖɩ payaɣna Fransɩ kʋnʋŋ taa size théologie ubuntu. Ŋgbɛ ɖɩnɛ, ɖɩ-n̄ʋʋ tʋ ɖajaa Desmond Tutu ɛnɛ, sɔɔlɩm yaa laŋhɛzɩyɛ nʋmɔʋ taa, ɛlaba tʋma sakɩyɛ.

Abalʋ ɛnɛ, ɛkɛ ŋgbɛ nɖɩ ɖɩcɔŋna tovonum ɖɔm nʋmɔʋ tʋma yɔɔ nɛ kpeyuu nʋmɔʋ tɛ n̄ʋʋ tʋ sɔsɔ kɔɔnɔɔ yaa kajalaɣ tʋ kɛ Afrika Haɖɛ hɔɔlʋʋ taa kiŋ ɛjaɖɛ taa. Ɛnʋ palɩza size ɛn̄ɩnɩ nɛ ɛtazɩ camɩyɛ nɛ patɩlɩ kɩdɛkɛdɩm yaa kɩwɛkɩm laɖaa, nɛ mulum nɛ kewiyaa liidiye mɩlɩyaa, nɛ pɔhɔ panɩŋgbaŋ yaa paɖʋwɛɛ salaka. Pɩɩkɛ mɩzasɩ yasuu yaa mɩzasɩ tʋʋ (apartheid) wɛɛ yaa kpaɖʋ alɩwaatʋ taa.