ვენომი
| ვენომი | |
|---|---|
 ედი ბროკი, პირველი ”ვენომი”. | |
| გამოცემის ინფორმაცია | |
| გამომცემელი | მარველის კომიქსები |
| პირველი გამოჩენა | საიდუმლო ომები (Secret Wars) #8 (1984 წლის დეკემბერი), როგორც "alien costume", გამაუგნებელი ადამიანი-ობობა (The Amazing Spider-Man) #252 (1984 წლის მაისი), შეერწყა ედი ბროკს ნიკით ”ვენომი”. |
| ავტორ(ებ)ი |
დევიდ მიჩელინი მაიკ ზეკი ("alien costume"-ის დიზაინი) ტოდ მაკფარლანი (კუნთები და კბილები) |
| დახასიათება | |
| ალტერ ეგო | პიტერ პარკერი, ედი ბროკი, ანჟელო ფორტუნატო, მაკ გარგანი |
| სახეობა | სიმბიოტი |
| მოკავშირეები | ადამიანი-ობობა |
| მტრები | ადამიანი-ობობა |
| შესაძლებლობა | ყოველ ახალ მასპინძელს გადასცემს პირველი მასპინძელის, ანუ ადამიანი ობობას ძალებს; აღწევს მასპინძელის გონებაზე სრულ კონტროლს; ზეადამიანური სიძლიერე; ფორმის შეცვლის ლიმიტირებული შესაძლებლობა; საფრთხეში ყოფნის დროს შეუძლია გამოეყოს მასპინძელის სხეულს, თავი დაიცვას და დამოუკიდებლად იბრძოლოს; შეუმჩნეველია პარკერის ”ობობის მგრძნობელობის” მიერ |
ვენომი (ინგლ. Venom) არის მარველის კომიქსების მიერ გამოგონილი პერსონაჟი, სიმბიოტი, უცხოპლანეტელი თხევადი ფორმით. საარსებოდ იყენებს ადამიანის სხეულს, როგორც პარაზიტი, სანაცვლოდ კი ”მასპინძელს” ზეადამიანური ძალით ”აჯილდოებს”. თანდათანობით, პარაზიტი ვენომი აღწევს სრულ კონტროლს მასპინძელზე და მართავს მას სურვილისამებრ, იყენებს დედამიწაზე მზაკვრული გეგმების განსახორციებელად, გარდაქმნის ბოროტმოქმედად. კომიქსებში სიმბიოტი წარმოადგენს ადამიანი-ობობას მტერს, ერთ-ერთ უმთავრეს მოწინააღმდეგეს. თავად ობობა იყო პირველი, ვის სხეულსაც დროებით დაეუფლა უცხოპლანეტელი პარაზიტი. ხოლო მას შემდგომ, რაც ობობამ მოიცილა იგი, სიმბიოტმა უამრავი მასპინძელი გამოიცვალა, მათგან აღსანიშნავია ედი ბროკი.
ისტორია
ედი ბროკი, პირველი ”ვენომი”
კომიქსის პირველ გამოცემებში, ვენომი პიტერის კონკურენტი - ჟურნალისტი ედი ბროკი იყო. მან პიტერის გამო დაკარგა სამსახური, ამიტომ მას საშილად სძულდა იგი. როდესაც პიტერმა თავიდან მოიშორა მთვარიდან დედამიწაზე ჩამოვარდნილი უცნაური ”კოსტუმი”, რომელიც სინამდვილეში ცოცხალი არსება აღმოჩნდა, იგი ედი ბროკს შეეყარა და შურისმაძიებელ მონსტრად გარდაქმნა, რომლის შეჩერება ვერავინ შეძლო. თუმცა, კოსტუმს ერთადერთი სისუსტე აღმოაჩნდა - შიში ხმაურის მიმართ. ამ დროს იგი ჭკუაზე იშლებოდა... ეს პიტერმა სათავისოდ გამოიყენა და ასე დაამარცხა მისი ერთ-ერთი ყველაზე დიდი მტერი. ასეთი იყო პირველი ვერსია ”ვენომისა”, თუმცა კომიქსების ახალ სერიაში (The Ultimate Spiderman), ბროკი უბრალო სტუდენტია, რომელმაც პიტერს მის მიერ "ნაპოვნი" უცნობი ნივთიერება აჩვენა. ასე გახდა თანამედროვე კომიქსებში პიტერი ვენომი, შემდგომ კი ედი გარდაიქმნა საშინელ მონსტრად.