იხილეთ წყარო გვერდისთვის უკანასკნელი ჩვენგანი

'''უკანასკნელი ჩვენგანი''' ({{Lang-en|The Last of Us}}) — ამერიკელი [[რეჟისორი|რეჟისორების]] [[კრეიგ მეზინი]]სა და [[ნილ დრაკმანი]]ს მიერ შექმნილი პოსტაპოკალიფსური სერიალი. იგი შეიქმნა სატელევიზიო არხების ქსელ [[HBO]]-სთვის და ეფუძნება [[2013]] წელს Naughty Dog-ის მიერ შემუშავებულ [[ვიდეო თამაში|ვიდეოთამაშს]]. სერიალის ძირითადი [[სიუჟეტი]] ეხება [[2023]] წლის მოვლენებს — [[სოკოვანი ინფექცია|სოკოვანი ინფექციით]] გამოწვეულ [[მსოფლიო]] [[პანდემია|პანდემიას]], რომელიც დაინფიცირებულ ადამიანებს [[ზომბი|ზომბების]] მგავს არსებებად გარდაქმის. აღნიშნულ მოვლენებს კი [[საზოგადოება]] კოლაფსამდე მიჰყავს. სერიალი მოგვითხრობს ერთ-ერთ კონტრაბანდისტზე (ჯოელზე), რომელსაც განსაკუთრებული მისია აქვს დაკისრებული — ახალი სოკოვანი [[ინფექცია|ინფექციის]] მიმართ [[იმუნიტეტი (მედიცინა)|იმუნიტეტი]]ს მქონე 14 წლის გოგონას (ელის) დახმარება, მისი გაცილება პოსტპანდემიურს [[ამერიკის შეერთებული შტატები]]ს ტერიტორიაზე. ჯოელის მისიას ართულებს  ირგვლივ არსებული ინფიცირებულთა დიდი რაოდენობა, რომელთა ნაკბენი დაავადების გავრცელების მთავარი საშუალებაა, ასევე, საზოგადეობის არაინფიცირებულ ნაწილში გავრცელებული [[ანარქია]] და პრობლემები, გადარჩენის სურვილისა თუ საკვების მოპოვების მოტივით ადამიანები ხშირად უპირისპიდებიან ერთმანეთს.

იმ შემთხვევაში თუ ელი შესაბამის ადამიანებთან უვნებლად მიაღწევს, ისინი შეძლებენ გამოიკვლიონ გოგონას მდგომარეობა და შეეცადონ შექმნან ინფექციის საწინააღმდეგო [[ვაქცინაცია|ვაქცინა]].  

სერიალის გადაღებები მიმდინარეოდბა [[2021]] წლის ივლისიდან [[2022]] წლის ივნისამდე. აღსანიშნავია, რომ „უკანასკნელი ჩვენგანი“ არის [[HBO]]-ს პირველი სერიალი, რომელიც დაფუძნებულია ვიდეოთამაშზე. სერიალის პრემიერა [[2023]] წლის [[15 იანვარი|15 იანვარს]] შედგა და იგი ამ დღეს, მსოფლიოს მასშტაბით, 4,7 მილიონმა ადამიანმა იხილა. სტატისტიკის მიხედვით, უკანასკნელი ჩვენგანი [[2010]] წლის შემდეგ, HBO-ს სიდიდით მეორე სერიალია, რომელიც პირველ დღეს მაყურებელთა ასეთმა რაოდენობამ ნახა. სერიალი დადებითად შეაფასეს კრიტიკოსებმა, ზოგიერთმა მათგანმა სერიალს თამაშის საუკეთესო [[ადაპტაცია]] უწოდა.

==რესურსები ინტერნეტში==
* {{Official website|https://www.hbo.com/the-last-of-us}}
* {{IMDb title}}
* {{Rotten Tomatoes|tv/the_last_of_us|The Last of Us}}

[[კატეგორია:2023 წლის სერიალები]]
[[კატეგორია:HBO-ს სერიალები]]
[[კატეგორია:2020-იანი წლების ამერიკული დრამატული ტელესერიალები]]
[[კატეგორია:ინგლისურენოვანი ტელეპროგრამები]]