Marie-Azélie Guérin Martin
| Marie-Azélie Guérin Martin ingkang Binerkahan | |
|---|---|
 | |
| Miyos | 23 Dhésèmber 1831, Saint-Denis-sur-Sarthon, Orne, Prancis |
| Tilar donya | 28 Agustus 1877 (yuswa 45), Alençon, Orne, Prancis |
| Dipun urmati ing | Gréja Katulik Roma |
| Beatifikasi | 19 Oktober 2008, Basilika Santa-Thérèse déning Paus Benediktus XVI |
| Dinten pèngetan | |
 Portal Santo
| |
Marie-Azélie "Zélie" Martin née Guérin ingkang Binerkahan (23 Dhésèmber 1831-28 Agustus 1877) punika satunggiling wanita awam Prancis lan ibunipun Santa Thérèse saking Lisieux. Garwanipun inggih punika Louis Martin ingkang Binerkahan.
Kagesangan
[besut | besut sumber]Kagesangan awal
[besut | besut sumber]Marie-Azélie Guérin miyos ing Saint-Denis-sur-Sarthon, Orne, Prancis lan wujud putri nomer kalihipun Isidore Guérin lan Louise-Jeanne Macé. Panjenenganipun gadhah mbakyu Marie-Louise, ingkang dados suster Visitandine, lan adhi kakung, Isidore, ingkang dados apotèker.
Zélie kepéngin dados suster nanging dipuntulak déning Susteran Charitas St. Vincent de Paul amargi kawratan ambegan lan asring sakit sirah. Zélie lajeng sembayang dhumateng Gusti supados maringi putra-putri lan putra-putri kasebat dipuncaosaken dhumateng Gusti.
Salajengipun, piyambakpipun mutusaken dados pedamel rénda, damel rénda Point d'Alençon. Panjenenganipun lajeng nandhang wuyung dhumateng satunggiling pedamel jam tangan, Louis Martin, kekalihipun palakrami ing taun 1858, namung tigang wulan sasampunipun pepanggihan.[1]
Palakrami lan kulawarga
[besut | besut sumber]Sanadyan Zélie lan Louis nglampahi palakrami selibat ngantos mèh setaun, kekalihipun lajeng mutusaken kenggé gadhah anak. Kekalihipun gadhah snak sanga, sanadyan namung gangsal putri ingkang gesang dumugi diwasa, lan sadaya dados biarawati.
- Marie-Louise (22 Fèbruari 1860 – 19 Januari 1940), dados biarawati, Sister Marie of the Sacred Heart, Karmel ing Lisieux.
- Marie-Pauline (7 September 1861 – 28 Juli 1951), dados biarawati, Mother Agnès of Jesus, Karmel ing Lisieux.
- Marie-Léonie (3 Juni 1863 – 16 Juni 1941), dados biarawati, Sister Françoise-Thérèse, Visitandine ing Caen.
- Marie-Hélène (3 Oktober 1864 – 22 Fèbruari 1870)
- Marie-Joseph (20 September 1866 – 14 Fèbruari 1867)
- Marie Jean-Baptiste (19 Dhésèmber 1867 – 24 Agustus 1868)
- Marie-Céline (28 April 1869 – 25 Fèbruari 1959), dados biarawati, Sister Geneviève of the Holy Face, Karmel ing Lisieux.
- Marie-Mélanie Thérèse (16 Agustus 1870 – 8 Oktober 1870)
- Marie-Françoise-Thérèse (2 Januari 1873 – 30 September 1897), dados biarawati, Sister Thérèse of the Child Jesus and of the Holy Face, Karmel ing Lisieux, dipunkanonisasi taun 1925.[2]
Sasampunipun Zélie tilar donya, Pauline, Marie, Thérèse lan Céline, mbaka satunggal sadaya dados biarawati-biarawati Karmel sesarengan kaliyan sepupunipun, Marie Guérin. Léonie dados satunggiling biarawati Visitandine sasampunipun dipuntulak déning Poor Clares.
Tilar donya
[besut | besut sumber]
Marie-Azélie tilar donya amargi kanker payudara tanggal 28 Agustus 1877 ing Alençon, Orne, yuswa 45. Panjenenganipun sampun bertahan dipundhampingi garwa lan putinipun.[3]
Beatifikasi
[besut | besut sumber]Louis lan Marie-Azélie Martin sampun dipuntélakaken "kinurmatan" tanggal 26 Maret 1994 déning Paus Yohanes Paulus II. Kekalihipun dipun beatifikasi[4] tanggal 19 Oktober 2008 déning Jose Kardinal Saraiva Martins, wakilipun Paus Benediktus XVI ing Basilika Santa-Thérèse, Lisieux, Prancis.[5]
Pranala njaba
[besut | besut sumber]- ↑ Therese of Lisieux website
- ↑ http://www.thereseoflisieux.org
- ↑ Canadian Catholic blogsite
- ↑ Therese of Lisieux website, ibid.
- ↑ "Website of saints at sqpn.com". Diarsip saka sing asli ing 2012-03-06. Dibukak ing 2011-03-13.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung)
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |