Résistor

Résistor inggih punika komponèn èlèktronik kalih saluran ingkang dipundesain kanggé nahan arus listrik, kanthi mrodhuksi mandhapipun tegangan listrik ing antawisipun kalih saluran, miturut kaliyan arus ingkang mili ing résistor, manut kaliyan hukum Ohm:^[1]^[2]

{\begin{aligned}V&=IR\\I&={\frac {V}{R}}\end{aligned}}

Résistor dipun-ginakaken minangka pérangan saking jejaring èlèktronik lan sirkuit èlèktronik, lan kalebet salah satunggalipun komponèn ingkang asring dipun-ginakaken.^[1] Résistor saged dipundamél saking manéka warni komponèn lan filem, ngantos kawat résistansi (kawat ingkang dipundamel saking paduan résistivitas ingkang inggil kados nikel-kromium).^[1] Karakterristik utami résistor inggih punika résistansinipun lan daya listrik ingkang saged dipunborosaken.^[1] Karakteristik sanèsipun kalebet koefisién suhu, desah listrik, lan induktansi.^[1]

Résistor saged dipunintegrasikaken dhateng sirkuit hibrida lan papan sirkuit cétak, ngantos sirkuit terpadu.^[1] Ukuran lan panggènan suku (sikil) manut kaliyan desain sirkuit, résistor kedah cekap agengipun miturut fisik supados boten dados panas sanget lan dados boros dayanipun.^[1]

Ékan

Ohm (simbol: Ω) inggih punika ékan SI kanggé résistansi listrik, dipunpendhet saking nama George Simon Ohm.^[1] Limrahipun dipun-ginakaken prefix milihohm, kiloohm, lan megaohm.^[1]

Résistor Komposisi karbon

Résistor komposisi karbon kapérang saking satunggal résistif awujud tabung kanthi kawat utawi tutup logam ing pucukipun.^[2] Badan résistor dipunjagi kanthi cèt utawi plastik.^[2] Résistor komposisi karbon ingkang rumiyin gadhah badan ingkang boten mawi isolasi, kawat penghubung dipunlilitaken ing pucukipun unsur sésisitif lan lajeng dipunsoldér.^[2] Résistor ingkang sampun dados dipuncèt kanthi kodhé warni saking reginipun.^[2]

Cathetan suku

↑ ^a ^b ^c ^d ^e ^f ^g ^h ⁱ Penjelasan resistor Archived 2004-12-23 at the Wayback Machine. dipunundhuh tanggal 1 Agustus 2011)
↑ ^a ^b ^c ^d ^e 'Resistor lan gianipun' Archived 2016-08-27 at the Wayback Machine. dipunundhuh tanggal 1 Agustus 2011)

Pranala njawi

Cara Membaca Nilai Resistor

Artikel iki minangka artikel rintisan. Kowé bisa ngéwangi Wikipédia ngembangaké.

[internet1-1] ↑ ^a ^b ^c ^d ^e ^f ^g ^h ⁱ Penjelasan resistor Archived 2004-12-23 at the Wayback Machine. dipunundhuh tanggal 1 Agustus 2011)

[internet2-2] 'Resistor lan gianipun' Archived 2016-08-27 at the Wayback Machine. dipunundhuh tanggal 1 Agustus 2011)

[1]

[2]