Manchester City Football Club ya iku salah siji klub bal-balan profesional Inggris kang main ing Liga Premier Inggris. Klub iki manggon ana ing kutha kang pada karo klub Manchester United, kang nduwé markas ing stadion City of Manchester, Manchester.[2] Manchester City nglakoni bal-balan resmi kang pisanan ing sasi Nopember taun 1880.[3] Nalika iku jenenge isih St Mark's (West Gorton).[3] Taun 1887 banjur ganti dadi Ardwick A.F.C, lan ing taun 1894 dadi Manchester City F.C.. The City wis tau dadi juwara liga kaping loro, Piyala FA kaping papat, Piyala Liga kaping loro lan Piyala Winners Éropah sepisan.[3] Periode paling suksès saka klub iki ya iku nalika ana ing pungkasan taun 1960an lan wiwitan taun 1970an.[3] Nalika jaman semana manager saka Manchester City ya iku Joe Mercer lan diasisteni déning Malcolm Allison.[3] Pemain city ing jaman semana kaya Colin Bell, Mike Summerbee lan Francis Lee.[3] Taun 2007 klub iki dituku déning milyarder saka Thailand k uga dadi Perdana Menteri Thailand, Thaksin Shinawatra, kang ndadèkaké klub iki dadi salah siji klub Inggris kang dikuwasani déning asing.[3] Taun 2008 The City banjur dituku déning Abu Dhabi United Group.[3] Manchester City dadi jawara Liga Inggris taun 2012.[4]
Lambang lan warna klub
Seragam kandang saka Manchester City ya iku werna Biru Langit lan clana Putih.[3] Déné seragam nalika main tandhang ya iku Abang Marun, utawa abang (wiwit taun 1960an) lan Clana ireng.[3] Nanging saiki kadhang-kadhang City uga nganggo werna kostum kang beda.[3] Asal-usul werna seragam kandhang klub ora jelas nanging bukti kang ana ya iku klub wis nganggo werna biru langit wiwit taun 1892 utawa sadurungé.[3]
Cathetan suku
