Navtex
![](http://upload.wikimedia.org/wikipedia/commons/thumb/1/1f/Navtex.jpg/220px-Navtex.jpg)
Navtex (úr ensku: Navigational Telex) er sjálfvirk fjarskiptaþjónusta á millitíðni sem sendir út stafrænar veðurspár og öryggistilkynningar til skipa á sjó. Navtex-skilaboð eru send út frá Navtex-stöðvum á fjögurra tíma fresti frá miðnætti. Hver stöð fær fastan 10 mínútna glugga til að senda boðin út. Navtex-móttakarar um borð í skipum prenta skilaboðin út eða sýna á skjá. Jörðinni er skipt í 16 Navtex-svæði þar sem sent er út ýmist á 424, 490 eða 518 kHz tíðni. Svæði 1 nær til dæmis yfir Norður-Atlantshaf, Norðursjó og Eystrasalt og þar er sent út á 518 kHz. Á Íslandi eru fjórar Navtex-sendistöðvar, í Grindavík og á Sauðanesi við Siglufjörð sem senda út á 518 kHz á ensku og 490 kHz á íslensku.[1]
Kosturinn við Navtex miðað við aðra tækni sem byggist á VHF-bylgjum er að útsendingin næst á mjög stóru svæði. Síðustu ár hafa tæki sem nýta sér samskipti um gervihnött tekið við þessu hlutverki. Navtex er hluti af GMDSS-staðlinum um öryggisfjarskiptakerfi á sjó.
Tilvísanir
[breyta | breyta frumkóða]- ↑ „Njóta minna öryggis ef ekki er réttur búnaður um borð“. Landhelgisgæsla Íslands. 12.1.2009. Sótt 24.8.2023.