Friðarsúlan
![](http://upload.wikimedia.org/wikipedia/is/thumb/a/ac/Imagine_Peace_Tower.jpg/220px-Imagine_Peace_Tower.jpg)
![](http://upload.wikimedia.org/wikipedia/commons/thumb/3/3e/Iceland_-_Peace_Tower_28_%286571385177%29.jpg/220px-Iceland_-_Peace_Tower_28_%286571385177%29.jpg)
Friðarsúlan (enska: Imagine Peace Tower) er útilistaverk eftir Yoko Ono reist í Viðey í Kollafirði til að heiðra minningu látins eiginmanns listakonunnar, John Lennons. Listaverkið var vígt á afmæli Johns Lennons þann 9. október 2007. Friðarsúlan er tákn fyrir baráttu Ono og Lennons fyrir heimsfriði, sem hófst á sjöunda áratug 20. aldar. Ono segist hafa fengið hugmyndina að friðarsúlu árið 1967. Á stalli súlunnar eru grafin orðin „hugsa sér frið“ eða „imagine peace“ á 24 tungumálum, þar á meðal á íslensku, ensku, þýsku, japönsku og hebresku. Enska heitið er vísun í lagið „Imagine“ eftir John Lennon.
Uppbygging
[breyta | breyta frumkóða]Friðarsúlan er ljóskastari, sem lýsir upp í himininn, listaverkið er þannig hannað að 6 ljósgangar liggja lárétt í jörðinni að ljósbrunninum þar sem þeir falla á spegla sem halla í 45° og varpa því ljósinu lóðrétt upp í loftið. Í botni ljósbrunnsins, sem er 4 metrar að þvermáli og 2 metra hár, eru einnig aflmiklar ljósaperur, fylltar Xenon-gasi, sem beinast upp á við. Samanlagt afl ljósanna er 70 kW.
Bygging friðarsúlunnar var fjármögnuð af Yoko Ono, Reykjavíkurborg og Orkuveitu Reykjavíkur, sem einnig greiðir rekstrarkostnað.
Upplýsing
[breyta | breyta frumkóða]Friðarsúlan logar samfellt frá sólarlagi til miðnættis eftirtalin tímabil:
- 9. október (fæðingardagur Lennons) til 8. desember (dánardagur Lennons)
- gamlársdagur til þrettánda
- í eina viku kringum jafndægur á vori.
Eins er mögulegt, við sérstök tilefni, af fá leyfi hjá listakonunni til að kveika á friðarsúlunni utan ofantaldra tímabila.
Orðin á mismunandi tungumálum
[breyta | breyta frumkóða]![](http://upload.wikimedia.org/wikipedia/commons/thumb/5/54/Imagine_Peace_5.jpg/220px-Imagine_Peace_5.jpg)
Orðin á súlunni eru rituð á 24 tungumálum. Að neðan er listi með þýðingum (listinn er ekki tæmandi):
- Enska: "Imagine peace"
- Þýska: „Stell dir vor es ist Frieden“
- Íslenska: „Hugsa sér frið“
- Ítalska: „Immagina la pace“
Hnit
[breyta | breyta frumkóða]64°9′47.66″N 21°51′34.08″V / 64.1632389°N 21.8594667°V
Tenglar
[breyta | breyta frumkóða]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Vefsíða friðarsúlunnar Geymt 17 október 2007 í Wayback Machine
- „Getið þið sýnt okkur fleiri myndir af ljóssúlunni hennar Yoko Ono í Viðey?“. Vísindavefurinn.
- „Hversu langt upp í himininn drífur ljósið frá friðarsúlunni í Viðey?“. Vísindavefurinn.
- Hugsa sér frið - Imagine Peace á vef Reykjavíkurborgar