Ariel S. Tabag
 | Daytoy a biograpia ti sibibiag a tao ket saan a nangiraman kadagiti aniaman a reperensia wenno punganayan. (Septiembre 2012) |
Ni Ariel S. Tabag (naipasngay Agosto 16, 1978) ket editor iti daniw ken showbiz iti Bannawag. Co-editor kadagiti libro nga impablaak ti GUMIL Filipinas. Maysa kadagiti nangbukel iti Daniw ken Basi, maysa a performing arts group a pakairamanan dagiti mannurat nga Ilokano. Bahista ti Samtoy (Ilokano a banda nga agtugtugtog iti rakenrol a daniw) ken Pilo. Nangabaken kadagiti salip iti panagsuratan iti Ilokano ken Filipino. Nakaipablaaken iti libro, ti Karapote nga antolohia dagiti 13 a saritana. Impatarusna iti Filipino ti 13 a sarita dagiti agkabannuag nga Ilokano sa naipablaak a libro, ti Samtoy, babaen ti pannarabay ti NCCA. Siaasawa ken ni Norielyn Cullar a maysa a Tagalog. No saan nga agsursurat, sursuruanna nga agsao iti Ilokano dagiti dua a putotna, da Anib Miguel ken Saniata Noriel. Patanor ti Villa, Santa Teresita, Cagayan.