Nueva Vizcaya

Ti Nueva Vizcaya ket maysa a provincia iti Filipinas a masarakan iti Tanap ti Cagayan (Rehion 2) iti Luzon. Ti kapitoliona ket Bayombong. Kaarrubana dagiti provincia ti Ifugao, Isabela, Quirino, Aurora, Nueva Ecija, Pangasinan ken Benguet.

Ti agdama a teritorio ti Nueva Vizcaya ket resulta ti panagbalbaliw a namunganay iti formal a pannakaipasdek ti provincia ti Isabela idi Mayo 1856. Dakkel a paset ti Nueva Vizcaya iti akin-amianan a partena ti naited iti Isabela.

Nakissayan manen ti sakup ti Nueva Vizcaya iti umamianan-a-laud a deppaarna idi mabuangay ti provincia ti Ifugao idi 1908.

Manen, idi 1971, simmina ti sigud a sub-provincia ti Quirino ket naaramid a kas naan-anay a provincia, a nakaigapuanan ti pannakaikabassit manen ti sakup ti Nueva Vizcaya.

Iti agdama, addaan ti Nueva Vizcaya iti maymaysa a distrito congresional.

Ili

• Alfonso Castaneda
• Ambaguio
• Aritao
• Bagabag
• Bambang
• Bayombong
• Diadi
• Dupax del Norte
• Dupax del Sur
• Kasibu
• Kayapa
• Quezon
• Santa Fe
• Solano
• Villaverde

Kasilpo

Ofisial a Websayt iti Nueva Vizcaya