Yun Alternative por Germania
Li Yun Alternative por Germania (german: Junge Alternative für Deutschland) es li organisation de yunité del dextri political partise Alternative por Germania in Germania. It esset fundat in li junio 2013. Li german servicie secret por interni aferes Bundesamt für Verfassungsschutz egarda li Yun Alternative por Germania quam extrem dextri. Li organisation es acurtat JA.
- Fundation: junio 2013
- Political direction: extrem dextri til national-conservativ
- Presidente: Hannes Gnauck
- Vice-presidente: Sven Kachelmann, Tomasz Froehlich, Nils Hartwig
- Membritá: circa 1.700 (octobre 2022)
- Etá: membres posse haver inter 14 e 36 annus.
Organisation
[modificar | redacter fonte]Li Yun Alternative por Germania have organisationes in chascun del 16 país federal de Germania. Circa 90 percentes de su membres es anc membres in li partise Alternative por Germania. Si on es plu yun quam 36 annus e membre del Alternative por Germania on ne es automaticmen membre del Yun Alternative por Germania.
Presidentes del Yun Alternative por Germania
[modificar | redacter fonte]- 2013–2014: Torsten Heinrich (abandonat li organisation).
- 2014–2015: Philipp Ritz (abandonat li organisation).
- 2015: Philipp Meyer (abandonat li organisation).
- 2015–2018: Sven Tritschler (devet forlassar li organisation pro su etá)
- 2018–2021: Damian Lohr
- April – Mai 2021: Marvin Timotheus Neumann (demissionat)
- 2021–2022: Carlo Clemens
- 2022- Hannes Gnauck