Sancte Martino

Saint-Martin, Sint Maarten, St Martin
Hymno O sweet Saint-Martin's Land, La Marseillaise
Location de Sancte Martino
Location de Sancte Martino
Capital		Marigot (FR), Phillipsburg (NL)
Linguas official		francese (FR), nederlandese/anglese (NL)
collectivitate ultramar del Republica Francese, pais constituente del Regno del Paises Basse
Area
-	Total	87 km²  34 mi.²
-	Aqua (%)	negligibile
Population
-	Censo de 2008, 2011	74 852
-	Densitate	860/km²  2 227,4/sq mi
Numerario		euro (FR), florino caribe (NL)

Sancte Martino (Saint-Martin, Sint Maarten, Saint Martin) es un insula in le Mar Caribe.

Geographia physic

Le superficie del insula es 87 km² (53 km² francese, 34 km² nederlandese). Le duo citates capital es Philipsburg in le sud e Marigot in le nord. Lower Prince's Quarter, Cul de Sac, Cole Bay e Marigot es le zonos urban le plus populate. Le puncto le plus alte del insula (Pic du Paradis, parte francese) es 424 m super le nivello del mar.

Vicinitate

Quando le tempore es clar, on pote vider le insulas vicin de Sancte Bartholomeo, Saba, Sancte Eustachio, e Sancte Kitts.

Demographia

Le 1 de januario 2007, le population del insula integre esseva 74 852 habitantes, con 38 927 in le parte nederlandese e 35 925 in le parte francese.

Il es commun al duo partes del insula le lingua anglese e un dialecto del lingua creol parlate in le Insulas Virgine—nonobstante que le francese e nederlandese es linguas official de lor respective partes. Le personas pote circular liberemente inter le duo partes del insula, que non face parte del area Schengen.

Administration

Le insula es dividite in duo partes. Le sud es administrate como Sint Maarten, un pais constituente del Regno del Paises Basse; le nord es le collectivitate ultramar de Saint-Martin e pertine al Republica Francese. Le division del insula data del anno 1648, ma le habitantes es culturalmente unite.

Usque recentemente, le duo partes de Sancte Martino dependeva administrativemente de altere insulas caribe. Le parte francese faceva parte del region ultramar e del departimento ultramar de Guadeloupe; le parte nederlandese esseva un del Antillas Nederlandese. In 2007, le Sancte Martino francese e Sancte Bartholomeo deveniva collectivitates ultramar distincte de Guadeloupe. Le mesme anno, le federation del Antillas Nederlandese comenciava le processo de su dissolution, gratias del qual le Sancte Martino nederlandese e Curaçao esseva promote al stato de paises constituente del Regno—e dunque equal al Paises Basse e Aruba—in mesme tempore que le parve insulas de Saba, Sancte Eustachio, e Bonaire se reintegrava in le Paises Basse.

Transporto

Le Aeroporto International Princessa Juliana es situate in le parte nederlandese.

Economia

Commercio de luxo e abundante restaurantes gourmet es typic del insula. Le parte del nord ha multe casinos; le parte del sud ha plagias nude.

Le numerarios del insula es le euro e le florino del Antillas Nederlandese; isto debe esser reimplaciate per le florino caribe gratias al abolition del Antillas Nederlandese e le adoption del dollar statounitese per le Paises Basse Caribe.