Servitor de rete
Un servitor de rete (etiam: servitor web o webserver) es programmario de computator e machinario subiacente que accipe petitiones via HTTP (le protocollo de rete create pro distribuer contento de rete) o su variante secur HTTPS. Un agente de usator, communemente un navigator de rete o un rastreator de rete, initia communication per facer un petition pro un pagina de rete o altere ressource usando HTTP, e le servitor responde con le contento de iste ressource o un message de error. Un servitor de rete pote etiam acciper e conservar ressources inviate per le agente de usator si illo es configurate pro facer lo.
Le machinario usate pro executar un servitor de rete pote variar dependente del volumine de petitiones que illo debe tractar. Al basso del scala es systemas embedite, tal como un router que executa un parve servitor de rete como su configuration interface. Un sito electronic con trafico elevate poterea tractar petitiones con centenas de servitores que executa sur bastidores de computatores de grande velocitate.
Un ressource inviate per un servitor de rete pote esser un file pre-existente (contento static) disponibile al servitor de rete, o illo pote esser generate al momento del petition (contento dynamic) per un altere programma que communica con le programmario del servitor. Le prime usualmente pote esser servite plus rapide e pote esser conservate plus facilemente pro petitiones repetite, durante que le secunde supporta un scala plus ample de applicationes.
Technologias como REST e SOAP, que usa HTTP como base pro communication inter computatores general, assi como le supporto pro extensiones WebDAV, ha extendite le application de servitores web multo ultra lor scopo original de servir paginas legibile per humanos.
Parte de mercato
[modificar | modificar fonte]![](http://upload.wikimedia.org/wikipedia/commons/thumb/1/12/Usage_share_of_web_servers_%28Source_Netcraft%29.svg/300px-Usage_share_of_web_servers_%28Source_Netcraft%29.svg.png)
Infra es le ultime statisticas del parte de mercato de tote sitos del prime servitores web super le Internet pro augusto 2017 per W3Techs Uso de servitores web pro sitos web.
Producto | Venditor | Percentage |
---|---|---|
LiteSpeed Web Server | LiteSpeed Technologies | 2.9% |
IIS | Microsoft | 11.0% |
Apache | Apache | 49.0% |
nginx | NGINX, Inc. | 34.8% |
GWS | 1.1% |