Conflicto sudanese de 2023

Le 15 de april 2023, un conflicto armate comenciava inter factions rival del governamento militar de Sudan. Il comenciava quando confrontos explodava in le west de Sudan, in le capital, Khartoum, e in le region de Darfur. Usque le 25 de april, al minus 559 personas habeva morte e plus de 4.000 habeva resultate ferite.

Le battalias comenciava con attaccos de le paramilitar Fortias de Supporto Rapide (FSR) contra punctos critic del governamento. Attaccos aeree, artilleria e fusillias appareva in tote Sudan, incluse Khartoum. Le 23 de april 2023, tanto le chef de le RSF, Mohamed Hamdan Dagalo, como le facto chef de Sudan e chef de le armea, Abdel Fattah al-Burhan, reclamava controllo de plure punctos critic del governamento, como le quartele general militar, le Palatio Presidencial, le Aeroporto International de Khartoum, le residencia official de Burhan e le sede del Corporation de Radiodiffusion National de Sudan (CRNS). Le conflicto inter le duo general ha portate Sudan al margine de un nove guerra civil, e on ha parlate de un "incipiente guerra civil".