Վարոս Շահմուրադյան

Վարոս Շահմուրադյան
Ծնվել է	սեպտեմբերի 2, 1940
Ծննդավայր	Լենինական, Հայկական ԽՍՀ, ԽՍՀՄ
Վախճանվել է	հուլիսի 13, 1977 (36 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Կրթություն	Փանոս Թերլեմեզյանի անվան գեղարվեստական ուսումնարան (1961)
Մասնագիտություն	նկարիչ
	Varos Shahmuradyan Վիքիպահեստում

Վարոս Աշոտի Շահմուրադյան (սեպտեմբերի 2, 1940(1940-09-02)^[1], Լենինական, Հայկական ԽՍՀ, ԽՍՀՄ^[1] - հուլիսի 13, 1977(1977-07-13)^[1], Երևան, Հայկական ԽՍՀ, ԽՍՀՄ^[1]), հայ նկարիչ։

Կենսագրություն

1961 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1967 թվականին՝ Մոսկվայի գեղարդյունաբերական բարձրագույն ուսումնարանը։ 1967-1974 թվականներին դասավանդել է ԵԳԹԻ-ում, 1976-1977 թվականներին՝ Հայկական պետական մանկավարժական համալսարանում^[2]։

Ստեղծագործական գործունեություն

Հեղինակ է երփնագիր նատյուրմորտների, դիմանկարների, թեմատիկ հորինվածքների, գրաֆիկական թերթերի։ 1960-ական թվականների գործերում ազգային, դասական և արդիական արվեստի ձևամիջոցների զուգորդմամբ Շահմուրադյանը հասել է ընդհանրացումներով հարուստ լուծումների՝

«Նատյուրմորտ։ Լուսամուտի մոտ», 1962
«Մայրություն», 1967
«Իմ նախնիները», 1968
«Ռեքվիեմ», 1969
«Հին օրհնություն», 1969

1970-ական թվականներին Շահմուրադյանը դիմել է երկրաչափական կառուցիկ ձևերով հարուստ դեկորատիվ հնարանքների՝

«Պատուհան» և «Արվեստանոցում» նկարաշարեր, 1970-1976
«Կեսօր», 1972
«Ձկներ և կարմիր բալեր», 1974
«Ձոն», 1975
«Թիթեռ», 1976
«Ալբատրոս», 1976
«Սոնետ. Գարուն-Աշուն», 1977

Ստեղծել է նաև հորինվածքներ՝ արծնապատման տեխնիկայով («Նկարչուհու մոտ», 1974)։

Ցուցահանդեսներ

Անհատական ցուցահանդեսներ է ունեցել Երևանում (1977, 1980 թվականներ), Տարտուում (1981)։ Գործերից պահվում են Հայաստանի ազգային պատկերասրահում, Երևանի ժամանակակից արվեստի թանգարանում, Մոսկվայի Տրետյակովյան պատկերասրահում։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 8 (հայ.) — հատոր 8. — էջ 426.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Վիքիպահեստն ունի նյութեր, որոնք վերաբերում են «Վարոս Շահմուրադյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 426)։

[_c0e98df46c5dde23-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 8 (հայ.) — հատոր 8. — էջ 426.

[2] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]