Լևոն Խաչատրյան (նկարիչ)
Անվան այլ կիրառումների համար տե՛ս՝ Լևոն Խաչատրյան (այլ կիրառումներ)- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Լևոն Խաչատրյան | |
|---|---|
| Ի ծնե | Լևոն Արսեն Խաչատրյան |
| Ծնվել է | 1912 |
| Ծննդավայր | Թիֆլիս, Ռուսական կայսրություն |
| Վախճանվել է | անհայտ |
| Ազգություն | հայ |
| Քաղաքացիություն |  Վրաստան |
| Կրթություն | Կուբանի պետական համալսարան (1966) |
| Մասնագիտություն | նկարիչ |
Լևոն Արսենի Խաչատրյան (1912, Թիֆլիս, Ռուսական կայսրություն - անհայտ), հայ գեղանկարիչ, նկարիչ, մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից[1]։
Կենսագրություն
[խմբագրել | խմբագրել կոդը]Լևոն Խաչատրյանը ծնվել է 1912 թվականին, Թբիլիսիում։ 1928 թվականին սովորել է Մ. Թոիձեի ստուդիայում։ Կիրովականում դասավանդել է նկարչական դպրոցում։
1937 թվականին ծառայել է Խորհրդային բանակում, մասնակցել ֆիննական պատերազմին։ Որպես դասակի հրամանատար 490-րդ աէրոդրոմային ծառայության հատուկ գումարտակի ավագ լեյտենանտը Մեծ հաղթանակը դիմավորել է Պրահայում։ Պարգևատրվել է «Հայրենական մեծ պատերազմի» 2-րդ աստիճանի շքանշանով ու «Կովկասի պաշտպանության համար», «Գերմանիայի դեմ տարած հաղթանակի համար», «Պրահայի ազատագրման համար» և բազմաթիվ այլ մեդալներով[1]։
1966 թվականին ավարտել է Կրասնոդարի մանկավարժական ինստիտուտի գեղարվեստա-գրաֆիկական ֆակուլտետը։ Ապրել և ստեղծագործել է Նիկելում (Մուրմանսկի շրջան)[2]։
Ստեղծագործական գործունեություն
[խմբագրել | խմբագրել կոդը]- «Հիշիր այս, որդիս»
- «Լենինը Ռազլիվում»
- Վլադիմիր Լենինի, Ստեփան Շահումյանի դիմանկարները
- «Հին կամուրջը»
- «Կղմինդրի գործարանը»
Պարգևներ
[խմբագրել | խմբագրել կոդը]- Հայրենական մեծ պատերազմի 2-րդ աստիճանի շքանշան
- «Կովկասի պաշտպանության համար» մեդալ
- «Գերմանիայի դեմ տարած հաղթանակի համար» մեդալ
- «Պրահայի ազատագրման համար» մեդալ
Ծանոթագրություններ
[խմբագրել | խմբագրել կոդը]- ↑ 1,0 1,1 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
- ↑ Դանիել Դզնունի, Հայ կերպարվեստագետներ, համառոտ բառարան
- 1912 ծնունդներ
- Թբիլիսի քաղաքում ծնվածներ
- Մահվան ամսաթիվը չորոշված անձինք
- Անձինք այբբենական կարգով
- Նկարիչներ այբբենական կարգով
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիրներ
- Կովկասի պաշտպանության համար մեդալակիրներ
- Հայ նկարիչներ
- Հայրենական մեծ պատերազմի հայ մասնակիցներ
- Հայրենական պատերազմի 2-րդ աստիճանի շքանշանակիրներ
- Հայ գեղանկարիչներ
- Հայ մանկավարժներ