Wulka koalicija

Wulka koalicija je knježerstwowa koalicija najsylnišeju stronow w parlamenće. W zwjazkowej republice Němskej stej to tradicionelnje CDU/CSU a SPD, tak mjenowanej ludowej stronje. W knježerstwowych dobach wulkich koalicijow je parlamentariska opozicija chětro mała, štož je hłowny dypk kritiki napřećo tajkim politiskim konstelacijam.

Wulke koalicije knježachu w Němskej dotal tři razy na zwjazkowej runinje: wot 1966 do 1969 pod Kurtom Georgom Kiesingerom a wot 2005 do 2009 kaž tež wot 2013 pod kanclerku Angelu Merkel.

W Awstriskej bě wulka koalicija po Druhej swětowej wójnje najčasćiši koaliciski model.