Theodor Heuss
![](http://upload.wikimedia.org/wikipedia/commons/thumb/a/a7/Bundesarchiv_Bild_146-1983-098-20a%2C_Heuss.jpg/170px-Bundesarchiv_Bild_146-1983-098-20a%2C_Heuss.jpg)
Theodor Heuss (* 31. januara 1884 w Brackenheimje, † 12. decembra 1963 w Stuttgarće) bě němski žurnalist, politikowědnik a přez nimale 60 lět aktiwny liberalny politikar (NSV, FVg, FVP, DDP, FDP/DVP). Při załoženju strony FDP w lěće 1948 sta so z jeje předsydu. Wot 1949 do 1959 bě prěni zwjazkowy prezident Zwjazkoweje republiki Němskeje.
Wot 1924 do 1928 a znowa wot 1930 do 1933 bě Heuss zapósłanc Reichstaga. Za čas Weimarskeje republiki bě čłon škitneje organizacije Reichsbanner Schwarz-Rot-Gold. Pod nacionalsocialistiskim knjejstwom bě jemu wot 1936 zakazane, swoje teksty publikować. Najebać toho pisaše dale pod pseudonymom za wjacore němske nowiny. Po kóncu Druheje swětoweje wójny pomjenowa US-ameriske wojerske knježerstwo jeho za prěnjeho kultusoweho ministra Württembergsko-Badenskeje. Hač do lěta 1949 bě zapósłanc w krajnym sejmje. Při wólbach do zwjazkoweho sejma donaby mandat, połoži jón pak, hdyž bu dnja 12. septembra wot zwjazkoweho zhromadźenstwa z 51,7 % woleny za prěnjeho zwjazkoweho prezidenta. Při wólbach 1954 docpě z 88,2 % najwyši wuslědk wšěch wólbow zwjazkoweho prezidenta hač do dźensnišeho dnja.
Heuss bě ewangelski, woženjeny a nan jednoho syna.
Wotkazy
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Krótkobiografija na bundespraesident.de (němsce)
- Webstrona Załožby Heuss-Haus (němsce)
Theodor Heuss (1949–1959) • Heinrich Lübke (1959–1969) • Gustav Heinemann (1969–1974)
Walter Scheel (1974–1979) •
Karl Carstens (1979–1984) • Richard von Weizsäcker (1984–1994)
Roman Herzog (1994–1999) • Johannes Rau (1999–2004) • Horst Köhler (2004–2010) • Christian Wulff (2010–2012) • Joachim Gauck (wot 2012)