Luiz Inácio Lula da Silva
![](http://upload.wikimedia.org/wikipedia/commons/thumb/9/90/Alberto_Fern%C3%A1ndez_y_Luiz_In%C3%A1cio_Lula_da_Silva_en_S%C3%A3o_Paulo_2022_%283%29_%28cropped%29.jpg/170px-Alberto_Fern%C3%A1ndez_y_Luiz_In%C3%A1cio_Lula_da_Silva_en_S%C3%A3o_Paulo_2022_%283%29_%28cropped%29.jpg)
Luiz Inácio Lula da Silva (* 27. oktobra 1945 w Caetés, Pernambuco) je brazilski metalurg a socialistiski politikar, kotryž je wot 1. januara 2023 k druhemu razej statny prezident Brazilskeje. Do toho měješe tute zastojnstwo hižo wot 2003 do 2011. Za čas jeho prěnjeje hamtskeje doby wuwiwaše so južnoameriski kraj do regionalneje mocy; hłód a ekstremna chudoba woteběraštej.
Wón słuša do załožerjow brazilskeje dźěłaćerskeje strony Partido dos Trabalhadores (PT).
Po mjezynarodnje kritizowanym procesu bu w lěće 2017 dla pozdatneje korupcije zasudźeny na 12 lět jastwa a płaći jako prěni politiski jaty Brazilskeje po kóncu wojerskeje diktatury. Lula běše mjez aprylom 2018 a oktobrom 2019 cyłkownje 580 dnjow w jastwje; 2021 zběhny wyše sudnistwo wusudy přećiwo njemu dla formalnych zmylkow.
Wotkazaj
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Luiz Inácio Lula da Silva – Literatura w katalogu Němskeje narodneje biblioteki (němsce)