Žórłowy tekst za Swjata Zdźisława sej wobhladać

== Swjatoprajenje ==

Zdźisławu pak bamž [[Jan Pawoł II.]] we [[Olomouc|Wołomucy]] dnja 21. meje 1995 swjatopraji. Dnja 24. oktobra 2000 - w lěće Wulkeho jubileja – postaji ju za hłownu patronku Litoměriskeje diecezy. Wo swjatoprajenju Knjenje Zdźisławy je so tehdyši prowincial dominikanow pater Ambrož Maria Svatoš wjele zasłužbow dobył, a to z hromadźenjom Zdźisławskich studijow a historiskich dokumentow. Nětko ma mjenujcy nimale sto w rukopisu dokumentowanych padow dźiwotwornych wusłyšenjow přez zasadźenje Knjenje Zdźisławy ze zańdźenosće. Jako dźiw trěbny k swjatoprajenju bu medicinsce a wědomostnje njewujasnjomne wustrowjenje MUDR. Straki připóznate, swójbneho nana, pola kotrehož dnja 19. septembra 1989 w Brnje w chorowni k zastaću wutroby, k na nul spadowacemu krejnemu ćišćej, ke kliniskej smjerći mozow dóńdźe; tutón staw přez tři hodźiny traješe. W běhu tuteje doby mandźelska, dźěći, wyša sotra, knjez farar a dalši intensiwnje k zbóžnoprajenej Zdźisławje wo dźiw modlachu, a buchu wusłyšeni: wobnowještej so motoriska a zmysłowa aktiwiće, wšě organy póčachu normalnje fungować. Jabłońska cyrkej bu wot bamža k bazilice minor (mjeńši) z titulom "Bazilika swjateho Ławrjenca a swjateje Zdźisławy" powyšena. 

Smjertne powostanki swjateje Zdźisławy su wěrićelam nimo w Jablonnym tež w Litoměriskej katedrali [[Swjaty Šćěpan|swj. Šćěpana]] (na wołtarju [[Swjaty Jan Nepomuk|swj. Jana Nepomuka]]) a we [[Olomouc|Wołomucy]] w dominikanskej cyrkwi [[Knježna Marija|Knježny Marije]] (na wołtarju swj. Dominika) k česćowanju wustajene. Při 750. róčnicy smjerće zbóžnoprajeneho Česlava w lěće 1992 je swjata Zdźisława tutoho swjateho wopytała: jeje nop pućowaše z Jablonneho do pólskeho [[Wrócław]]ja a bu tu ze statniskimi česćemi přijata. Swoju tuchwilu poslednje dušepastyrske pućowanje přewjedźechu smjertne powostanki swjateje Zdźisławy z [[Litoměřice|Litoměrjec]] na lětanišćo we [[Olomouc|Wołomucy]] - na swjatoprajenje přez bamža [[Jan Pawoł|Jana Pawoła II.]] dnja 21. meje 1995. 

Dnja 24. oktobra 2000 postaji bamž [[Jan Pawoł II.]] swjatu Zdźisławu za hłownu patronku Litoměričanskeje diecezy. Wot nalěća 2002 je wona po postajenju wokrjesneho zastupnistwa patronka cyłeho [[Liberec|Liberecskeho wokrjesa]]. 

K swjatej Zdźisławje so do dźensnišeho [[Waldsteinowi hrabjojo]] jako z njej zdaleni přiwuzni přiznawaja, wopytuja jeje row w Jablonnym.