City
![](http://upload.wikimedia.org/wikipedia/commons/thumb/c/c9/Piazza_del_Campo_%28Siena%29.jpg/220px-Piazza_del_Campo_%28Siena%29.jpg)
Ek city (shahar, nagar) uu jagah hae jahan pe dher jane saathe rahe hae. Ek city me dher building aur street rahe hae. Bahut log city me rahe hae kahe ki huan pe bahut chij khoje aur kare ke sahaj rahe hae. Ek city me jaada kar ke ek "city center" rahe hae jahan pe government aur business rahe hae, aur jagah jiske suburb bola jaae hae jahaan pe log rahe hae.
Kon jagah ke city bola jaae hae?
[badlo | source ke badlo]![](http://upload.wikimedia.org/wikipedia/commons/thumb/7/7d/Hobart_Marina_MTWellington.jpg/220px-Hobart_Marina_MTWellington.jpg)
Dunia bhar me koi niyam nai hae jisse ek jagah ke city bolaa jaae hae.
Kuch chij jon ki city ke anae hae:
- Ek lamba itihaas.
- Ek barrraa population. Bahut jagah pe ek town jiske population 10,000 se jaada hae ke city bolaa jaae hae.
- Ek jagah jahaan pe business aur local government hae.
- Kabhi ek jagah ke khaas adhikaar de ke city banawa jaae hae.
- Jhaan pe ek church nai to university rahe hae.
Itihaas
[badlo | source ke badlo]![](http://upload.wikimedia.org/wikipedia/commons/thumb/c/c5/Carcassonne-vignes.jpg/220px-Carcassonne-vignes.jpg)
![](http://upload.wikimedia.org/wikipedia/commons/thumb/8/80/NYC_wideangle_south_from_Top_of_the_Rock.jpg/220px-NYC_wideangle_south_from_Top_of_the_Rock.jpg)
![](http://upload.wikimedia.org/wikipedia/commons/thumb/b/b9/Rocinha_Favela.jpg/220px-Rocinha_Favela.jpg)
Jaise admii log civilize hoi gain uu logan city me rahe lagin. Kuch famous city jon ki abhi nai hae ke naam hae: Babylon, Troy, Mycenae aur Mohenjo Daro.
Benares north India me ek purana city hae jon ki 3000 saalo se bhi purana hae. AUr city jon ki bahut purana hae ke naam hae: Greece me Athens, Italy me Rome aur Volterra, Egypt me Alexandria aur England me York.
Europe me, Middle Ages me, city ke hoye se special privilege raha, jon khali nobility ke milat raha. Cities jon ee category me fall hoye hae, ulog ke city walls rahat raha(koi koi ke ab bhi bhi hae). Jon log u sab wall cities me rahat rahin unke jada sunwai raha. Purana cities jinke abhi bhi walls hae: Carcassonne, France me, Toledo, Spain me aur Canterbury, England me.
Dunia ke sab se barraa city
[badlo | source ke badlo]![](http://upload.wikimedia.org/wikipedia/commons/thumb/0/01/Downtown_Warsaw.jpg/220px-Downtown_Warsaw.jpg)
Dunia me abhi 21 city hae jiske population 10 million se jaada hae:
- Tokyo, Japan - 28 million
- Mexico City, Mexico - 18 million
- Mumbai, India - 18 million
- São Paulo, Brazil - 18 million
- New York City, USA - 17 million
- İstanbul, Turkey - 15 million
- Shangai, China - 14 million
- Lagos, Nigeria - 13 million
- Los Angeles, USA - 13 million
- Calcutta, India - 13 million
- Buenos Aires, Argentina - 12 million
- Seoul, South Korea - 12 million
- Beijing, China - 12 million
- Karachi, Pakistan - 12 million
- Delhi, India - 11 million
- Dhaka, Bangladesh - 11 million
- Manila, Philippines - 11 million
- Cairo, Egypt - 11 million
- Osaka, Japan - 11 million
- Rio de Janeiro, Brazil - 11 million
- Tianjin, China - 10 million
- Moscow, Russia - 10 million
- Lahore, Pakistan - 10 million