Duba tsatso na Mikiya

{{databox}}
'''Mikiya:''' ana kiranta da [[turanci]] da '''(''Eagle'')''' wata [[tsuntsu]]wa ce daga cikin tsuntsaye masu cin [[nama]], sai dai wasu na gani  kalmar ''Mikiya'' suna ne da ya haɗa baki ɗayan sunayen tsuntsaye masu cin [[nama]]n junan su da kuma sauran [[dabbobi]], suna kama da junan su. A taƙaice mikiya tsuntsuwa ce da take tashi sama kamar [[shaho]] itama kamar yadda shaho yake [[farauta]] haka take, sai dai ita tafi shaho hatsari don kuwa har naman mutane tana ci, musamman ƙananan yara. Akwai karin magana da [[hausawa]] keyi wai shi "Dirar Mikiya" wato anzo ba tare da an sanar ba. <ref>{{cite news|url=https://www.bbc.com/hausa/labarai-49683235|date= 13 September 2019|accessdate= 13 July 2021|publisher=bbc hausa|title=Mikiya ta kashe wani yaro a Somaliya}}</ref><ref>{{cite news|url=https://www.rfi.fr/ha/najeriya/20190820-efcc-ta-yi-wa-gidan-tsohon-gwamnan-lagos-dirar-mikiya|date=20 August 2019|accessdate= 15 July 2021|publisher=rfi hausa|title=EFCC ta yi wa gidan tsohon Gwamnan Lagos dirar mikiya|last=Gambo Ahmad|first=Abdurrahman}}</ref><ref>{{cite news|url=https://www.bbc.com/news/science-environment-57665575|publisher=bbc news|title=Amazon eagle faces starvation in 'last stronghold'|date=30 June 2021|accessdate=15 July 2021|last=Briggs|first=Helen}}</ref>

Kamar yadda nafaɗa ita Mikiya kusan tana da dangantaka  da [[shaho]] da [[mujiya]] da sauransu. Masana sunce mafi yawa kaso sittin (60) na kalolin Mikiya ana samun sune a ƙasar Turawa da [[Afirka]], bayan waɗannan yankuna ana samun kaloli daban-daban har guda 14 a [[Amerika]] da ƙasar Ostireliya. Ita Mikiya naman tsuntsaye take [[farauta]] don yin kalaci, ko da yake wani lokacin ma har mutane takan yi musu barazana musamman ƙananan yara, kamar yadda ya gaba ta.

==''Futunan Mikiya''==
Waɗannan wasu ne daga cikin hotunan Mikiya a sassa daban-daban.
[[File:African fish eagle (Haliaeetus vocifer) Ethiopia.jpg|thumb|wannan ita ake kira da mikiyar Afirka (Africa fish eagle).]]
[[File:Eurasian eagle-owl (44088).jpg|thumb|Mikiyar Euroshiya mai kama da mujiya.]]
[[File:Eagle cam image.jpg|thumb|Mikiyoyi biyu a kan shekarsu tareda ƙwayayensu biyu.]]
[[File:DecorahEagleMomFirstEgg2014.png|thumb|Mikiya a kan shekarta tana kwancin ƙwai.]]
[[File:Fighting white-tailed eagles (Haliaeetus albicilla) (2).jpg|thumb|Mikiyoyi suna faɗa.]]
[[File:Homer Eagles2.jpg|thumb|Mikiyoyi sun taru.]]
[[File:Eagle P7160647.jpg|thumb|mikiya akan bishiya]]
[[File:DecorahEagleMomFirstEgg2014.png|thumb|Mikiya tana kwancin ƙwai a kan sheƙarta.]]

==''Girman Mikiya da sifofin ta''==
Mikiya tanada girma, sannan tana da ƙarfi sosai, tana da girman kai (kanta babba ne) da kuma tsinin baki wanda ya kusan kai reza kaifi, haka mikiya tana da dogwayen fuka-fukai, shiyasa take da saurin tashi da nisa a sararin samaniya, da tsinin bakinta take ɗaukan naman da ta [[Farauta|farauto]], haka kuma mikiya tana da dogwayen ƙafafu kuma murɗaɗɗu dasu ga ƙambori. Mikiya tafi dukkan sauran tsuntsaye masu cin nama ƙarfi da tsinin baki, don tana iya ɗaukar dabbar da ta kai nauyin buhun siminti (''cement''). Haka Mikiya tana da ƙarfin ido, har takan ɗan gani ta baya sai dai ba sosai ba, masana sun bayyana cewa idon mikiya a yayin da ta fito farauta ya fi guda biyu, ma'ana tana iya hango abinda take farauta daga waje mai nisa sosai, wato tana amfani da ƙarfin idonta don hango abin farauta daga waje mai nisan gaske. Sai dai [[mata]]ye a cikin mikiya sunfi [[maza]] girma saɓanin wasu tsuntsayen. Haka mikiya tana iya ganin [[kifi]] dake cikin [[ruwa]] har ta kamo shi saboda ƙarfin idonta. <ref>{{cite news|url=https://www.dandalinvoa.com/a/3415597.html|date= 13 June 2016|accessdate=13 July 2021|last= Harande|first= Yusuf|publisher= dandalin voa|title=Mikiya "Eagle" Da Yunkurin Satar Dan Mutun!}}</ref> Mikiya tana amfani da ƙumbarta don ɗauko duk wani dabba da ta farauto. 
[[File:Black-chested snake-eagle (Circaetus pectoralis).jpg|thumb|Mikiya ta ɗauko maciji a bakinta.]]

==Gidan Mikiya/Shekar Mikiya==
Mikiya kamar yadda mafi yawan tsuntsaye  suke yin [[sheka]] wadda zasu zauna su yi ƙwai har su ƙyanƙyashe, itama da kanta take yin shekarta (gidanta) don yin ƙwai. Sai dai na mikiya yasha banban da sauran tsuntsaye saboda ita tana neman dogayen itace masu tsawo sosai, da kuma masu ruƙuƙi masu wahalar hawa ballantana ma akai ga ƙwayayenta. Mafi yawan ƙwayayen mikiya basa wuce ƙwai biyu, wasu masana sunce  tun a ƙwai ake gane na [[maza]] da [[mata]] don na mata yafi na maza girma. Sai dai mikiya tana haɗuwa da cikas a yayin da take ƙyanƙyasa daga wajen ƴan'uwanta don suna barazanar cinye ƴa'ƴan da ta ƙyanƙyansa jariran, wani lokacin ma har su kai ga sun cinye su.

==Mikiya biyar mafi girma a duniya==
#Mikiya ruwa (''Steller's sea eagle. scientific name, Haliaeetus pelagicus'') wadda nauyin ta ya kai 6.97kg
#Mikiyar pilipinis (''Philippines eagle. Scientific name, pithecopaga jefferyi'') wadda nauyin ya kai 6.35kg
#Babbar Mikiya (''Harpy eagle. Scientific name, harpia harpyja'') wadda nauyin ta ya kai 5.95kg
#Mikiya mai farar wutsiya (''Hwute-tailed eagle. Scientific name, Haliaeetus albicilla'') wadda nauyin ta ya kai 4.8kg
#Mikiya mai ƙambi (''Crowned eagle. Scientific name, polemactus bellicosus'') wadda nauyin ta ya kai 4.6kg.
[[File:Fighting white-tailed eagles (Haliaeetus albicilla) (2).jpg|thumb|mikiya suna faɗa]]
[[File:Aquila nipalensis egg, Collection Museum Wiesbaden.jpg|thumb|kalan ƙwan wata Mikiya mai roɗe-roɗe]]

==Kashi-kashi na Mikiya==
Mikiya ta kasu kashi huɗu
#Mikiyar macijiya (''Snake eagle'')
#Mikiyar kifi (''fish eagle'')
#Ƙatuwar Mikiya ta kurmi (''giant forest eagle'')
#Mikiya ta gaskiya (''true/booted eagle'')

==Manazarta==
{{reflist}}
[[Category: Tsuntsaye]]