Harrison Ford

Harrison Ford
Ford ayns 2017
Ruggit	13 Jerrey Souree 1942 (82 bleeaney d'eash) Chicago, Illinois, SUA
Seyraanaght	Steatyn Unnaneysit America
Çhengey	Baarle
Keird	aghteyr · gienteyder fillym · aghteyr goo · çhymmyltaghteyr · seyr · etleyder
Bleeantyn obbree	1966–jiu
Ynsagh	Ripon College (en) Maine East High School (en)
Yrjid	185 cm
Sheshey	Mary Marquardt (en)  (1964 –  1979) Melissa Mathison (en)  (1983 –  2004) Calista Flockhart (en)  (Mean Souree 15, 2010 –
Paitçhyn	slane rolley Ben Ford (en) Willard Ford (en)
Ayr	Chris Ford
Moir	Dorothy Ford
Braaraghyn as shuyraghyn	slane rolley Terence Ford (en)
Partee politickagh	Partee Deynlagh
Credjue	Ewaghys
Aundyryn	slane rolley California Hall of Fame  (2016) AFI Life Achievement Award  (2000) Golden Globe Cecil B. DeMille Award  (2001) Honorary César  (2010) star on Hollywood Walk of Fame Wright Brothers Memorial Trophy  (2010) Disney Legends  (2024)
Kianglaghyn fysseree as sheshoil
IMDb	nm0000148
Discogs ID	944863

She aghteyr Americaanagh eh Harrison Ford (ruggit er 13 Jerrey Souree 1942). She fowder ram accolaidyn eh, goaill stiagh yn AFI Life Achievement Award as y Cecil B. DeMille Award, goll rish enmyssaghtyn son Aundyr Academy as kiare Aundyryn Golden Globe. T'eh er ve ny 'er toshee ayns filmyn jeh chooilley haanrey.

Lurg y chied cheim jeh'n choorse bea echey as eh cloie paartyn beggey as co-hassooagh, hooar Ford enney mooar tra ren eh cloie Han Solo 'sy fillym kiaulldramey spoar ard-skeealagh Star Wars (1977), as hie eh er oaie gaa-chloie yn paart shen ayns kiare filmyn eirtyssagh harrish y nah 42 vleeaney. Ta enney mooar er chammah son e huarystal myr Indiana Jones 'sy chiartys dellal ennymagh, goaill toshiaght lesh y fillym contoyrtys jantys Raiders of the Lost Ark (1981), as er son cloie karacteyryn elley ayns kiartyssyn dellal eigsoylagh, goaill stiagh Rick Deckard ayns ny filmyn far-skeealaght heanse jee-launyssagh Blade Runner (1982) as Blade Runner 2049 (2017), as y karacteyr Jack Ryan liorish Tom Clancy ayns ny filmyn creauagh speeikearagh Patriot Games (1992) as Clear and Present Danger (1994). Ta e choorse bea goaill cha foddey sheear as shey jeihaghtyn as t'eh goaill stiagh co-obbraghyn marish fir jeh ny jeantee fillym s'ennoil 'sy traa shen, lheid as George Lucas, Francis Ford Coppola, Steven Spielberg, Ridley Scott, Peter Weir, Roman Polanski as Mike Nichols.

Ta Ford er chloie karacteyryn feniagh ayns filmyn elley lheid as ny filmyn creauagh Witness (1985), The Fugitive (1993), as Air Force One (1997), chammah's y drama spoyrt shendeeagh 42 (2013). Chammah's ny paartyn feniagh echey, t'eh er chloie paartyn ny s'dooey ayns filmyn lheid as y drama aittys appee American Graffiti (1973), y fillym creauagh co-chialgagh The Conversation (1974), y drama mayrnagh The Mosquito Coast (1986), y drama leighoil Presumed Innocent (1990), as y fillym creauagh anhickyrys erskyn-dooghyssagh What Lies Beneath (2000). Ta Ford er ghoaill ayrnyn ayns aittyssyn as dramaghyn romansagh car y choorse bea echey, goaill stiagh Heroes (1977), Working Girl (1988), Sabrina (1995), Six Days, Seven Nights (1998), Random Hearts (1999), Morning Glory (2010), as The Age of Adaline (2015).

Çheumooie jeh'n aghteyrys echey, ta kiedoonys etlagh ec Ford as dy mennick t'eh cur cooney da ny shirveishyn gear-cheim ayns mishoonyn sauail faggys da'n thie echey ayns Wyoming. She loayreyder er son y çhymmyltaght t'eh, as t'eh er ghoaill shirveish myr y chied Lhiass-chaairliagh er Conservation International voish y vlein 1991.

Kianglaghyn magh

Ta çhaglym aaraaghyn ec Wikiquote bentyn rish:

Harrison Ford

• Harrison Ford ec IMDb