Coontae yn Chavan

Coontae yn Chavan Contae an Chabháin (ga) County Cavan (en)
—  Coontae  —
Armys
Jarroo-raa: Feardhacht is Fírinne (Yernish) "Feraght as Firrinys"
Soiaghey Choontae yn Chavan
Co-ordnaidyn: 53°55′N 07°15′W
Çheer	Nerin
Queiggey	Queiggey Ulley
Ard	Y Joarey
Dáil Éireann	Y Cavan-Muinaghan
Parlamaid yn UO	Y Neear Hwoaie
Balley coontae	Y Cavan
Reiltys
- Sorçh	Coonseil Coontae
- Colught	Coonseil Choontae yn Chavan
Eaghtyr
- Yn clane	1,931 km² (745.6 mi ker)
- Rhenk	19oo
Earroo yn phobble (2011)
- Yn clane	73,183
- Rhenk	25oo
- Glooaght y phobble	37.9/km² (98.2/mi ker)
Cryss hraa	WET (UTC+0)
- Sourey (TTSL)	IST (UTC+1)
Coad	CN
Ynnyd-eggey	www.cavancoco.ie

She coontae ayns Nerin eh Coontae yn Chavan (Yernish: Contae an Chabháin; Baarle: County Cavan). Ta'n coontae soit ayns Ard y Joarey, fer jeh ny h-ardjyn reiragh ayns Nerin, as ayns Queiggey Ulley, fer jeh kiare queiggaghyn Nerin. Ta ennym y phreeu-valley, y Cavan, currit er y choontae. Ta'n coontae çhemmal rish Coontae Lheeahtrim 'sy neear, rish Coondaeghyn 'er Managh as Vuinaghan 'sy twoaie, rish Coontae ny Mee 'sy niar yiass, rish Coontae ny h-Eearvee 'sy jiass, as rish Coontae yn Lhongfort 'sy neear yiass. 'Sy vlein 2011 va 73,183 deiney cummal 'sy choontae

Çheer-oaylleeaght as aarheynnyn politickagh

Ta Coontae yn Chavan ny 19oo coontae smoo ayns Nerin er eaghtyr as ny 6oo coontae smoo ayns Queiggey Ulley. Rere earroo yn phobble, ta'n coontae ny 25oo coontae smoo ayns Nerin as ny 7oo coontae smoo ayns queiggey Ulley. Ta joarey 70 km (43 mi) er lhiurid rish Nerin Hwoaie as eh jeant seose dy slane myr y joarey rish Coontae 'er Managh. Cha nel agh un valley mooar ayn as eh ny phreeu-valley er y coontae - y Cavan hene.

Çheer-oaylleeaght ishigoil

Ta'n coontae jeant ass dreeymeenyn, loghyn as cruink. Cha nel mooarane dy 'leih 'sy neear hwoaie jeh'n choontae. Ta na cruink ayns sheear hwoaie yn choontae goaill stiagh Binn Chuilceach, y boayl s'yrjey 'sy choontae as shassoo 665 m er yrjid.

She moir ram awinyn ayns Nerin Coontae yn Chavan. She Lag na Sionna moir y Çhannon, yn awin s'liurey ayns Nerin, er lhiargeeyn Binn Chuilceach. Ta'n Éirne girree ayns Loch na Beithí, 3 km çheu yiass veih Sraith an Domhain, as t'ee roie feie 120 km gys Loch Éirne. Ta awinyn elley 'sy choontae goaill stiagh an Abhainn Dubh (ta girree ayns Loch Ramhar as çheet ry-cheilley rish an Bhóinn 'syn Ooive), an Níth (ta girree faggys da Coill an Chollaigh), Abhainn na hEoghancha (ta girree ayns Loch Saileán as çheet ry-cheilley rish an Éirne) as an Chláideach (girree er Binn Cuilceach as roie stiagh gys Fer Managh). Ta mayraghyn an Casán as an Abhainn Rua toshiaghey 'sy choontae chammah.

Ta'n enmys "Coontae ny Loghyn" currit er y choontae as t'eh raait dy vel 365 logh ayn - fer da dagh laa 'sy vlein. She Loch Síodh Linn y loch smoo 'sy choontae as eh 18.8 km² er eaghtyr. Ta'n loch shen soit ayns jiass y choontae as ta joaraghyn tree coontae çheet ry-cheilley ayn - joaraghyn y Chavan, ny Mee as ny h-Eearvee. Ta ard-hroggalys dy loghyn 'sy neear as 'sy twoaie jeh'n choontae as t'ad currit ry-cheilley myr Ardjyn Coadit Er-lheh, lheid as Loch Uachtair. Ta loghyn coadit elley ayn lheid as Loch Gamhna as Loch Ramhar soit 'sy niar as 'sy jiass jeh'n choontae. Ta begnagh 7,000 dy hectareyn (17,000 acyr), ny 3.6% jeh eaghtyr y choontae, coodit lesh keylljyn. Ta keylljyn ayn lheid as Keyll Bellamont faggys da Muinchille, Pairk Cheylley Coillidh Chaoin ec Loch Uachtair (keyll fo currym Coillte), Pairk Cheylley Dún na Rí as Keyll Boirinn.

Barranyssyn

Ta hoght barranys 'sy choontae:

• Caisleán Raithin
• Clann Chaoich
• Clann Mhathúna
• Lucht Tí Íochtarach
• Lucht Tí Uachtarach
• Teallach Dhúnchadha
• Teallach Eathach
• Teallach Ghairbhíth

Baljyn as baljyn beggey

• Achadh an Iúir
• Ármhach
• An Bádhún Buí
• Baile Mhic Shamhráin
• Baile Shéamais Dhuibh
• Béal Átha Conaill
• Béal Átha hÉis
• Béal Átha na nEach
• Béal Tairbirt
• An Blaic
• Y Cavan
• Cill na Leice
• Cill na Seanrátha
• An Cnoc Rua
• Coill an Chollaigh
• Coill Chóige
• Cros Domhnaigh
• An Damhshraith
• Droichead an Bhuitléaraigh
• Droichead Uí Dhálaigh
• Dún na Rí
• Gleann Ghaibhle
• An Muileann Iarainn
• Muinchille
• An Mullach
• Searcóg
• Sraith an Domhain

Kianglaghyn mooie

• Coonseil Choontae yn Chavan
• Ynnyd-eggey Eiraght Choontae yn Chavan