પાપડ
પાપડ એ ભારતીય ખાણાં સાથે સાથે ખાવા માટે વપરાતી એક કરકરી વાનગી છે, જે અડદના લોટમાંથી બનાવવામાં આવે છે. સૂકવીને તૈયાર કરેલા પાપડ તેલમાં તળીને કે અંગારા પર શેકીને ખાવા માટે પીરસવામાં આવે છે. પાપઙને એક પ્રકારની સહયોગી વાનગી ગણવામાં આવે છે. આ એક પાચક વાનગી ગણાય છે. કેટલીક જગ્યાએ પાપડ ખાણાના અંતમાં પણ ખાવાની પરંપરા છે.
ગુજરાત રાજ્યમાં પણ પાપડ ખાવાની પરંપરા ખુબજ પ્રચલિત છે. ગુજરાતી થાળી પાપડ વગર અધુરી ગણાય છે. ગુજરાતી લોકો મરીના સ્વાદવાળા, લાલ મરચાં વાળા, લીલાં મરચાં વાળા, લસણ વાળા એમ અલગ અલગ સ્વાદવાળા પાપડ બનાવીને ભરી રાખે છે.