Mitã tekoiterape
Apariencia
![](http://upload.wikimedia.org/wikipedia/commons/thumb/3/3b/Schoolchildren_eat_lunch.jpg/200px-Schoolchildren_eat_lunch.jpg)
Mitã tekoiterape
Ára 20 jasypateĩ ary 1959-pe, 78 tetã oĩva Tetãita Joajúpe omboaje hikuái Mitã tekoiterape ñe'ẽme'ẽ ha'éva avei tetãita rembiecharã ha oñemopyendáva Ginebra ñe'ẽme'ẽ Mitã Tekoiterape rehegua, oñemboajeva'ekue ára 28 jasykõi ary 1924-pe. Ára 20 jasypateĩ ary 1989-pe, Tetãita Joaju omboaje Tetãita Ñe'ẽme'ẽ Mitã Tekoiterape rehegua, oguerekóva 54 akytã.
Mitã rekoiterape ñe'ẽme'ẽ ary 1959 guare niko he'i mitã ha'eha “yvypóra ikatúva oje'apokatu hetépe, iñapytu'ũme, hekohápe, hekopýpe ha hekopytúpe, tekosãso ha tekorechapyrãme”.
Umi 10 akytã oĩva ipype ojeko ko'ã tekoiterapére:
- Tekoiterape oporomborekojojáva, omboyke'ỹva avavépe ipiresa'y, ijeroviakatu, iñe'ẽ, hetã, imeña ha hemiandu polítika reheguáre.
- Tekoiterape oñangarekoporãva mitã mongakuaáre: hete, iñapytu'ũ ha hapicha apytépe.
- Tekoiterape orekóvo peteĩ téra ha peteĩ tetã hi'arareñói guive.
- Tekoiterape akóinte oguereko hag̃ua hi'upyrã ha pohãnohára ñangarekokatu oikotevẽ jave.
- Tekoiterape ohupytývo tekombo'e ha ñeñangareko porã tohupyty mitã iñapytu'ũ térã hete marãvape.
- Tekoiterape ohupyty hag̃ua túva, sy ha hapichakuéra ñembojerovia ha mborayhu.
- Tekoiterape oñembosarái hag̃ua ha ija hag̃ua tekombo'e ojehepyme'ẽ'ỹvape.
- Tekoiterape oĩ hag̃ua tenondépe oĩ jave pytyvõ taha'e ha'ehápe.
- Tekoiterape oñeñangareko hag̃ua hese anítei ho'a jehejarei, teko ñaña ha tembiguái rekópe.
- Tekoiterape okakuaávo ñeikûmbyrekópe, gueropu'akareko, tekoayhu tetã apytépe ha joyke'yreko opavavéndi.
Joaju
***
- Ohai: David Galeano Olivera [1]