Cabelo
![](http://upload.wikimedia.org/wikipedia/commons/thumb/c/c1/Menschenhaar_200_fach.jpg/220px-Menschenhaar_200_fach.jpg)
![](http://upload.wikimedia.org/wikipedia/commons/thumb/0/08/Hair.jpg/220px-Hair.jpg)
O cabelo ( pronunciación (axuda · info)) ou pelo é a continuación da pel cornificada, e contén unha fibra de queratina, constituída por unha raíz e unha base, que se forma nun folículo da derme, e constitúe o trazo característico da pel. Cada un dos pelos consiste nunha raíz localizada nun folículo piloso e nun tallo que se proxecta cara a arriba por enriba da superficie da epiderme. A raíz agrándase na súa base. A zona papilar está composta de tecido conxuntivo e vasos sanguíneos, que proporcionan ao xeito as substancias necesarias para o seu crecemento.
Unha glándula sebácea desemboca dentro de cada folículo. Existe un feixe de fibras musculares lisas unidas a cada pelo. A contracción dos músculos fai que o pelo se levante, cambiando así o seu ángulo con relación á pel. Este proceso incrementa as posibilidades aislantes da cuberta do pelo, proporcionando así un mellor abrigo contra o frío.
O talo comprende tres capas. A medula, que consiste en células queratinizadas, laxamente unidas, e que está presente soamente nos pelos máis grosos (pelo de garda). O espazo intercelular está cheo de aire. A medula está rodeada da cortiza, fortemente adherida. Na cortiza fíxanse a maioría dos gránulos de pigmento. A súa superficie áchase cuberta cun tegumento, no que as células poden estar adheridas ou ben separadas nas porcións terminais, formando escamas.
O pelo sofre continuadas modificacións. Cando termina de crecer, a reprodución das células indiferenciadas da base do folículo tamén se detén, a raíz faise progresivamente máis estreita, e as células que se atopan encima da papila sofren un proceso de cornificación. Finalmente, a raíz sepárase da papila do pelo, e este cáese. Antes de que se desprenda, iníciase a formación dun novo pelo na base do folículo.
Fases de crecemento
[editar | editar a fonte]- Fase anáxena: nesta fase o pelo está pegado á papila, nace e crece. Dura entre 4 e 6 anos.
- Fase catáxena: esténdese uns 20 días, durante os cales o crecemento detense e sepárase da papila, pero continúa a súa actividade celular.
- Fase telóxena: fase de repouso que dura uns 90/100 días antes de que empezo a crecer un novo pelo no mesmo folículo. O bulbo se queratiniza e o pelo cae.
Tipos de pelos
[editar | editar a fonte]En sentido unitario (é dicir, no que respecta a cada pelo), pode haber deles distintos tipos:
- Pelo de cuberta ou garda: é o pelo máis longo e recto, cunha terminación en punta; este tipo de pelo impide que escape a calor.
- Pelo curto da capa inferior da pelaxe: serve para o illamento térmico, xa que é moi denso; permite o intercambio térmico cara ao exterior, ou ben o impide.
- Sensorial ou vibrisas: está provisto de seos vasculares e fibras nerviosas que envolven a base do folículo piloso, polo que teñen unha función sensorial.
Tipos de cabelo
[editar | editar a fonte]O cabelo en conxunto (é dicir, a cabeleira), segundo a súa estrutura e aparencia física, pode ser lacio, ondulado, rizado ou moi rizado.
Outros datos
[editar | editar a fonte]As variacións máis importantes na aparencia física da cabeza son:
- os complementos da cabeza
- a cor de pelo (orixinal ou artificial)
- o tipo de pelo
- o corte de pelo