Movemento Popular de Liberación de Angola
| Movemento Popular de Liberación de Angola | |
|---|---|
.svg&lang=gl){kind=small} | |
 | |
| Acrónimo | MPLA |
| Tipo | partido político |
| Ideoloxía | Socialdemocracia, Marxismo-leninismo, Socialismo democrático e comunismo |
| Data de fundación | 10 de decembro de 1956 |
| Fundador(es) | Agostinho Neto, Mário Pinto de Andrade e Viriato Clemente da Cruz |
| Presidente/a | José Eduardo dos Santos (-)  |Traducir|link=https://www.wikidata.org/wiki/Q3242267?uselang=gl]] (-)
Mário Pinto de Andrade (pt)  (-)João Lourenço (-) Agostinho Neto (-) |
| Secretario/a | Paulo Kassoma |
| Sede | Luanda |
| País | Angola |
| Na rede | |
| https://mpla.ao/ | |
| [ editar datos en Wikidata ] | |
O Movemento Popular de Liberación de Angola (Movimento Popular de Libertação de Angola, MPLA) é o partido político que goberna Angola dende a súa independencia en 1975.
Historia
[editar | editar a fonte]Fundouse en 1956 despois da fusión do Partido da Luta Unida dos Africanos de Angola (PLUA) co Partido Comunista Angolano (PCA). Outros partidos fundíronse despois, como o Movemento para a Independencia Nacional de Angola (MINA) e a Frente Democrática de Liberación de Angola (FDLA).
En 1975 tres partidos reivindicaban a independencia de Angola, o MPLA, a UNITA (Unión Nacional para a Independencia Total de Angola) e a Frente Nacional para a Liberación de Angola (FNLA). Destes, o MPLA tiña orientación marxista e estaba apoiado pola URSS. Agrupara, desde finais dos anos 50 e principios dos 60 as principais figuras do nacionalismo angolano, entre estudantes no exterior, sobre todo en Portugal e loitadores contra o colonialismo que fuxían do interior de Angola.
Dirixido por Antônio Agostinho Neto, o MPLA organizou e dirixiu a loita armada contra o colonialismo. Terminada a loita de liberación, a seguir o 25 de abril en Portugal, o MPLA proclamou a independencia do país, sen que tivese acontecido a pacificación interna coa FNLA e a UNITA. É frecuente ligar o MPLA á rexión de Kumbundo, tendo sido, porén o movemento angolano que máis aproveitou e incentivou o sentido nacional. Á súa dirección pertencían elementos non orixinarios do grupo dominante e o movemento non tiña as connotacións tribais e racistas atribuídas aos outros días. Por causa disto recibiu o apoio maioritario durante a transición para a independencia do país.
O MPLA gobernou Angola como partido único até a apertura política en 1991. No ano seguinte venceu nas primeiras eleccións, mais esa vitoria non foi aceptada e o país entrou en guerra civil.
Hoxe, o MPLA é un partido ex-marxista e politicamente constitúe algo entre a socialdemocracia e o socialismo. O seu mandato vese agora prolongado polas Nacións Unidas até que se consideren creadas as condicións para a realización das próximas eleccións. Depende da realización dos acordos asinados entre o goberno e a Unita en Lusaka visando o fin da guerra que aínda hoxe ameaza o país.
