Escarapote
Escarapote Scorpaena scrofa | |||||||||||||||
---|---|---|---|---|---|---|---|---|---|---|---|---|---|---|---|
![]() | |||||||||||||||
Clasificación científica | |||||||||||||||
| |||||||||||||||
Nome binomial | |||||||||||||||
Scorpaena scrofa Linnaeus, 1758[1] | |||||||||||||||
Sinonimia | |||||||||||||||
|
O escarapote, aínda que tamén reciben este nome outras especies do mesmo xénero, ou bispo,[2], Scorpaena scrofa é un peixe da familia dos escorpénidos de cor vermella e cuberta de espiñas. O seu peso pode chegar até case os 3 kg pero son raros os exemplares de máis de 1,5–2 kg. Normalmente atópase a profundidades desde os 10 aos 500 m, aínda que é posible atopalos con pouca auga semienterrados na area.
Características
[editar | editar a fonte]Durante o día permanecen aletargados en fendas rochosas, e pola noite saen dos seus agochos para buscar comida, quedan inmóbiles e grazas á súa camuflaxe conseguen capturar pequenos peixes e crustáceos. A súa pel cóbrese de algas e aproximadamente cada dúas semanas realizan unha muda da mesma.
Nome común
[editar | editar a fonte]Coñecido normalmente por escarapote, en castelán denomínase escorpena ou rascacio (hai varias especies do xénero Scorpaena). En Cataluña chámase escórpora e no Cantábrico como cabracho, sendo tamén coñecido en Asturias como tiñosu. En Baleares chámase cap roig e en Murcia como gallina. No País Vasco coñécese como itsaskabra (cabra de mar en euskara). Nas Canarias coñécese como cantarero.
Usos
[editar | editar a fonte]En culinaria é un peixe moi valorado, de altísima calidade. En Cataluña prepárase cocido con patacas, nun famoso prato que se coñece co nome de suquet de peix.
É común facer un pastel deste peixe, coñecido como pastel de escarapote.
Notas
[editar | editar a fonte]- ↑ Nicolas Bailly (2011). Nicolas Bailly, ed. "Scorpaena scrofa Linnaeus, 1758". FishBase. World Register of Marine Species. Consultado o October 5, 2011.
- ↑ bispo, 3ª acep. no Dicionario da RAG
Véxase tamén
[editar | editar a fonte]![]() |
Wikispecies posúe unha páxina sobre: Scorpaenidae |
![]() |
Vexa a entrada do Galizionario acerca de Escarapote |
![]() |
Commons ten máis contidos multimedia sobre: Escarapote |