Anders Celsius
![]() ![]() | |
Biografía | |
---|---|
Nacemento | 27 de novembro de 1701 (Xuliano) ![]() Uppsala, Suecia ![]() |
Morte | 25 de abril de 1744 (Xuliano) ![]() Uppsala Cathedral Assembly, Suecia (en) ![]() ![]() |
Causa da morte | tuberculose ![]() |
Lugar de sepultura | Igreja de Gamla Uppsala (pt) ![]() ![]() |
Rector of the University of Uppsala (en) ![]() | |
Rector of the University of Uppsala (en) ![]() | |
![]() | |
Datos persoais | |
Residencia | Suecia ![]() |
País de nacionalidade | Suecia ![]() |
Educación | Universidade de Uppsala ![]() |
Director de tese | Jacques Cassini (pt) ![]() ![]() |
Actividade | |
Campo de traballo | Astronomía ![]() |
Ocupación | astrónomo , inventor , químico , profesor universitario , físico , matemático , meteorólogo ![]() |
Empregador | Universidade de Uppsala ![]() |
Membro de | |
Profesores | Eric Burman (pt) ![]() ![]() |
Alumnos | Johan Gottschalk Wallerius (pt) ![]() ![]() ![]() ![]() |
Lingua | Lingua latina e lingua sueca ![]() |
Obra | |
Obras destacables | |
Familia![]() | |
Cónxuxe | sen valor |
Pai | Nils Celsius ![]() |
Premios | |
![]() ![]() ![]() |
Anders Celsius, nado en Ovanåker o 27 de novembro de 1701 e finado na mesma vila o 25 de abril de 1744, foi un físico e astrónomo sueco.
Traxectoria
[editar | editar a fonte]Profesor de astronomía na Universidade de Uppsala (1730-1744). Supervisou a construción do Observatorio de Uppsala, do que foi nomeado director en 1740. En 1733 publicou unha colección de 316 observacións de auroras boreais. En 1736 participou nunha expedición a Laponia para medir un arco de meridiano terrestre, o cal confirmou a teoría de Isaac Newton de que a Terra achatábase nos polos. Nunha memoria que presentou á Academia de Ciencias Sueca propuxo a escala centígrada de temperaturas, coñecida posteriormente como escala Celsius.
Celsius é coñecido como o inventor da escala centesimal do termómetro. Aínda que este instrumento é un invento moi antigo, a historia da súa gradación é do máis caprichosa. Durante o século XVI era graduado como "frío" colocándoo nunha cova e "quente" expoñéndoo aos raios do sol estival ou sobre a pel quente dunha persoa. Máis tarde o francés Réaumur e o alemán Fahrenheit en 1714, graduárono baseándose na temperatura do xeo no seu punto de fusión e na do vapor da auga ao ferver, pero a escala alemá ía de 32 a 212 graos, mentres que a francesa facíao de 0 a 80 graos.
En 1742, Celsius propuxo substituír a escala do científico alemán por outra dun manexo máis sinxelo. Para iso creou a escala centesimal que ía de 0 a 100 graos e inventou o termómetro de mercurio. O punto correspondente á temperatura 100 °C coincidía co punto de conxelación da auga mentres que a temperatura a 0 °C equivalía á temperatura de ebulición da auga a nivel do mar. A escala, polo tanto, indicaba un descenso de temperatura cando a calor aumentaba, ao contrario de como é coñecida actualmente. O seu compatriota o científico Carl von Linné (coñecido como Linneo) invertería esta escala tres anos máis tarde.
Esta escala centígrada de temperaturas foi proposta nunha memoria que presentou á Academia de Ciencias Sueca. O termómetro de Celsius foi coñecido durante anos como "termómetro sueco" pola comunidade científica, e tan só se popularizou o nome de "termómetro Celsius" a partir do século XIX.