Río Selmo

Río Selmo
Tipo	río
Inicio
División administrativa	provincia de Ourense, España
Localización	Serra do Courel
Final
División administrativa	Castela e León, España
Localización	Río Sil
	42°34′55″N 7°06′09″O / 42.5819, -7.1024; B 42°30′26″N 6°50′14″O / 42.5072, -6.83736
Conca hidrográfica	conca do Miño
Características
Dimensións	44 () km ;

O río Selmo é un curso fluvial da Península Ibérica, que transcorre entre as provincias de Lugo e León. É afluente do Sil, pola súa beira dereita.

Percorrido

Nace no concello lugués de Folgoso do Courel, preto da cima do monte Formigueiros, a 1.500 m de altitude. A súa dirección é Oeste-Leste, adentrándose rapidamente na provincia de León, no concello de Oencia e na Terra de Aguiar (concello de Sobrado), integrada actualmente na comarca do Bierzo, para despois de 44 km de percorrido desembocar no Sil, nun amplo meandro deste último, que forma unha veiga nas proximidades da Barosa, no municipio de Carucedo.

Como río de montaña, o seu percorrido é practicamente encaixado, recibindo augas de regos tamén de montaña de moi curta lonxitude.

Natureza

Estando a súa conca entre a alta montaña e, nas zonas baixas, en zona de clima de influxo mediterráneo, a súa fauna e flora, precisarían dunha maior protección, pois non en van a Terra de Aguiar constitúe o reborde norte e oriental do parque natural da Serra da Enciña da Lastra, continuándose o relevo cárstico, con formación de simas e covas (como no Valdeorras tamén denominadas palas). A ameaza principal está nestes momentos constituída polas canteiras de calcarias, que se van estendendo, tanto na provincia de Ourense como na de León. Compre ademais ter en conta, que esta zona cárstica continua, en breve distancia até As Médulas de Carucedo, e está moi próxima ao Canón do Sil, dito de Covas, ou Estreito do Sil.