Cygnus (xénero)

Para outras páxinas con títulos homónimos véxase: Cygnus (homónimos).

Cygnus é un xénero de aves da orde dos anseriformes, familia dos anátidos e subfamilia dos anatinos coñecidas vulgarmente como cisnes. Son aves acuáticas de gran tamaño, que se emparellan de por vida.

A maioría das especies de cisne son brancas, aínda que en Australia existe unha especie, o cisne negro, de plumaxe de cor negra (aínda que adoita ter manchas brancas baixo as ás; ademais o seu bico é vermello, en vez de amarelo ou negro, como nas outras especies. Este cisne é o emblema oficial estatal de Australia Occidental.

Por outra parte, no cono sur suramericano existe o cisne de pescozo negro.

Especies

Segundo a clasificación de referencia (versión 2.2, 2009) do Congreso ornitolóxico internacional, recoñécense 6 especies (xa que o cisne de Bewick, antes considerado especie independente, Cygnus bewicii, agora se considera como unha subespecie de Cygnus columbianus):

• Cygnus columbianus - Ártico Norteamérica, Europa e Asia, hibernan no sur.
  • Cygnus columbianus bewickii - Cisne de Bewick. Siberia, inverna nas cotas do mar do Norte, mar Caspio, mar Amarelo e o Xapón.
• Cygnus cygnus - Cisne grande ou cisne cantor. Subártico Europa e Asia, inverna no sur.
• Cygnus buccinator - Cisne trompeteiro. Subártico Norteamérica, inverna no sur.
• Cygnus olor - Cisne común ou cisne real. Europa temperada (incluída Galicia e Asia, residente.
• Cygnus atratus - Cisne negro, Australia, residente ou nómade.
• Cygnus sumnerensis (†) - Cisne negro de Nova Zelandia, extinguido en época prehistórica. En Nova Zelandia introduciuse posteriormente o Cygnus atratus.
• Cygnus melancoryphus - Cisne de pescozo negro. Sueste de Suramérica, inverna no norte.

Galería de imaxes

• 
  Cygnus buccinator
• 
  Cygnus columbianus
• 
  Cygnus cygnus
• 
  Cygnus atratus
• 
  Cygnus melanocoryphus
• 
  Cygnus olor
• 
  Dous cisnes negros no Parque de Rosalía de Castro.
• 
  Nova secuencia na que se aprecia o galanteo entre eles.
• 
  Uns intres antes da foto, pódese apercibir que formaran cos seus pescozos unha estrutura moi semellante á dun corazón.

Véxase tamén

Ligazóns externas

• Vídeos de cisnes en Internet Bird Collection
• Anseriformes en zoonomen.net
• Cygnus en ITIS