Walter Burley Griffin

Walter Burley Griffin

Biografía
Nacemento	24 de novembro de 1876 Maywood, Estados Unidos de América (pt)
Morte	11 de febreiro de 1937 (60 anos) Lucknow, India
Causa da morte	peritonite
Lugar de sepultura	Lucknow Cantonment Military Cemetery (en)
Educación	Universidade de Illinois en Urbana-Champaign (–1899) Oak Park and River Forest High School (en)
Actividade
Ocupación	arquitecto, paisaxista, urbanista
Obra
Obras destacables (1915-1981) Paris Theatre (en)
Familia
Cónxuxe	Marion Mahony Griffin

Walter Burley Griffin, nado en Maywood o 24 de novembro de 1876 e finado en Lucknow o 11 de febreiro de 1937, foi un arquitecto estadounidense, famoso por deseñar xunto á súa esposa Marion Lucy Mahony a cidade de Camberra, destinada a ser a nova capital de Australia.

Traxectoria

Proxecto final aceptado para a cidade de Camberra (Australia).

Walter era o maior de catro fillos de George Walter Griffin, un axente de seguros, e Estelle Griffin. A súa familia mudouse a Oak Park e despois a Elmhurst durante a súa infancia. De neno interesouse moi pronto polas paisaxes e os xardíns e os seus pais permitíronlle arranxar ao seu gusto o xardín da súa casa en Elmhurst. Griffin fixo os seus estudos superiores no Oak Park High School. O deseñador de paisaxe O.C. Simonds convenceuno para estudar unha carreira de arquitectura.

Recibiu o seu título de arquitecto na Universidade de Illinois en 1901, aprobou a licenza de llinois que lle permitía a práctica privada como arquitecto e comezou a traballar como empregado con Frank Lloyd Wright no seu estudo de Oak Park, permanecendo alí ata 1905, momento en que se foi logo dunha disputa sobre ser remunerado polo seu traballo con divisa xaponesa no canto de moeda norteamericana, xusto despois de que Wright regresara do Xapón. Mentres traballaba con Wright coñeceu a Marion Lucy Mahony, persoa responsable de variadas modelaxes de perspectivas de edificios nos traballos de arquitectura de paisaxe de Wright, e casou con ela en 1911. Tralo matrimonio, Mahony comezou a traballar con Griffin.

Abriu o seu propio despacho, concentrándose primordialmente en encargos residenciais. Eventualmente contratou os antigos empregados e colegas de Wright, Francis Barry Byrne e Harry Robinson. En 1912 Griffin gañou un concurso para deseñar a nova cidade capital Camberra en Australia. El e Marion viaxaron cara a Australia en 1913 para supervisar o deseño e a construción da nova capital, xunto con outros encargos que Walter recibira á parte. Deixou a Francis Barry Byrne administrando a oficina de Chicago, mentres que Marion dirixía unha oficina en Sydney e Walter se atopaba a cargo do despacho en Melbourne.

Walter exerceu a arquitectura durante vinte e un anos en Australia antes de partir cara a Lucknow (India), para deseñar a Biblioteca da Universidade de Lucknow. Griffin faleceu de peritonite a comezos de 1937, cinco días despois dunha cirurxía de vesícula no King George's Hospital de Lucknow no estado de Uttar Pradesh (India) e foi enterrado no cemiterio cristián desa cidade. Marion Mahony Griffin supervisou a finalización do Pioneer Building en que estaban traballando no momento da súa morte. Ela pechou as oficinas da India, deixou o despacho australiano en mans do socio de Griffin, Eric Milton Nicholls, e volveu a Chicago.

Obras principais

India

• Biblioteca da Universidade de Lucknow, en Lucknow(Uttar Pradesh)
• Dr Bhatia's Residence, en Lucknow

Estados Unidos

• G.B. Cooley House,1908 South Grand St., Monroe, Louisiana
• Alfred W. Hebert House Remodeling, 1902, Evanston, Illinois
• W.H. Emery House, 1903, Elmhurst, Illinois
• Adolph Mueller House, 1906
• John Dickinson House, 10034 Cienega Road Hollister, California 1906
• Mary H. Bovee Apartment, 1907
• John Gauler House, 1908, Chicago, Illinois
• William S. Orth House, 1908, Winnetka, Illinois
• Edmund C. Garrity House, 1909
• Ralph Griffin House, 1909, Edwardsville, Illinois
• Edmund C. Garrity House, 1712 W. 104th Place, Chicago, Illinois, 1909
• William B. Sloan House, 1910
• Frank N. Olmstead House, 1624 W. 100th Place, Chicago, Illinois, 1910
• Harry N. Tolles House, 10561 S. Longwood Drive, Chicago, Illinois, 1911
• Harry G. Van Nostrand House, 1666 W. Griffin PIace, Chicago, Illinois, 1911
• Russell L. Blount House I, 1724 W. Griffin Place, Chicago, Illinois, 1911
• Benjamin J. and Mabel T. Ricker House, Grinnell, Iowa, 1911-1912
• Joshua Melson House, 1912, Mason City, Iowa
• Russel L. Blount House II, 1950 W. 102nd Street, Chicago, Illinois, 1912–1913
• Jenkinson House, 1727 W. Griffin Place, Chicago, Illinois, 1912–1913
• Walter D. Salmon House, 1736 W. Griffin PIace, Chicago, Illinois, 1912–1913
• Newland house, 1737 W. Griffin Place, Chicago, Illinois, 1913
• Ida E. Williams House, 1632 W. Griffin Place, Chicago, Illinois (baseado nos plans de Von Nostrand, construído por Blount), 1913
• William R. Hornbaker House, 1710 W. Griffin Place, Chicago, Illinois, (baseado nos plans de Von Nostrand, construído por Blount), 1914
• James Frederic Clarke House, 1731 W. Griffin Place, Chicago, Illinois, (baseado nos plans de Von Nostrand, construído por Blount), 1913
• Harry C. Furneaux House, 1741 W. Griffin Place, Chicago, Illinois, (baseado nos plans de Von Nostrand, construído por Blount), 1913
• James Blyth House, Mason City, Iowa
• Stinson Memorial Library, Anna, Illinois

Australia

• Plan de Canberra, 1914–1920
• Plan urbano de Leeton, 1914
• Plan urbano de Griffith, 1914
• Plan urbano de Eaglemont, 1915
• Paris Theatre, Sydney, 1915 (demolido en 1981)
• Newman College, Universidade de Melbourne, 1916–1918
• Café Australia, Melbourne, 1916
• Capitol Theatre, Melbourne 1924
• Palais de danse, St Kilda 1925 (destruído polo lume)
• Leonard House, Elizabeth Street Melbourne 1925 (demolida)
• Castlecrag, plan do suburbio, 1925
• Fishwick House, completado en 1929
• Castle Cove, plan do suburbio, 1930
• Incinerador Willoughby, completado en 1932
• Duncan House (Castlecrag), completada en 1934
• Eric Pratten House, en Pymble, Sydney, completado en 1936
• Incinerador Hindmarsh, Australia do Sur, completado en 1936
• Pyrmont Incinerator, completado en 1936 (demolido en 1992)
• Thebarton Incinerator, South Australia, completado en 1937
• Walter Burley Griffin Incinerator, Ipswich, completada en 1992

Galería

• 
  Newman College
• 
  Newman College interior of the dining room
• 
  Capitol Theatre
• 
  Tumba para o xeneral Bridges, deseñada por Griffin
• 
  Incinerador Hindmarsh en Brompton
• 
  Incinerador Thebarton Thebarton
• 
  Eric Pratten House, tamén chamada Coppins, en Pymble, Sydney

Véxase tamén

Bibliografía

• Birrell, James. 1964. Walter Burley Griffin. University of Queensland Press
• Gebhard, David & Gerald Mansheim, Buildings of Iowa, Oxford University Press, Nova York, 1993
• Gebhard, David. "The Suburban House and the Automobile." The Car and the City: The Automobile, the Built Environment and Daily Urban Life. Ann Arbor: University of Michigan Press, 1991: 106,123.
• Kruty, Paul. 2000. Griffin, Walter Burley. American National Biography Online. Oxford University Press
• MacMahon, Bill (2001). The Architecture of East Australia. Edition Axel Menges. ISBN 3-930698-90-0. 
• Mason City Iowa, An Architectural Heritage, Department of Community Development, City of Mason, Iowa, 1977
• Maldre, Mati e Paul Kruty, Walter Burley Griffin in America, University of Illinois Press, Urbana, 1996
• McGregor, Alasdair, 'Grand Obsessions: The life and work of Walter Burley Griffin e Marion Mahony Griffin, Penguin/Lantern, Camberwell, Victoria, 2009
• Walker, M., Kabos, A. e Weirick, J. (1994) Building for nature : Walter Burley Griffin and Castlecrag, Castlecrag, N.S.W. : Walter Burley Griffin Society (ISBN 0-646-18133-5)
• Wilson, Richard Guy e Sidney K. Robinson, The Prairie School in Iowa, Iowa State University Press, Ames, 1977

Ligazóns externas

• Walter Burley Griffin Society (Australia)
• Walter Burley Griffin and Marion Mahony Griffin architectural drawings, circa 1909-1937.Held by the Department of Drawings & Archives, Avery Architectural & Fine Arts Library, Columbia University.
• The Griffin Legacy, National Capital Authority
• Imagining Canberra in Chicago from the ABC
• Reading the past in the Walter Burley Griffin Incinerator and Fishwick House at Willoughby, NSW (educational resources)
• Castlecrag Progress Association
• "Paris Theatre". Dictionary of Sydney. Dictionary of Sydney Trust. 2008. Consultado o 11 de outubro de 2015. [CC-By-SA]
• Great Buildings Online: works of Walter Burley Griffin (includes links to W.H.Emery House, 1903; Ralph Griffin House, 1909; Adolph Mueller House, 1906; Joshua Melson House, 1912; and Stinson Memorial Library, 1913)
• Walter Burley Giffiin, The Prairie School of Architecture
• Stinson Memorial Public Library (includes history of Stinson Library construction)
• The Walter Burley Griffin Society of America
• Mary Mahoney Griffin's Manuscript, The Magic of America: Ryerson & Burnham Libraries: Archives Collection