G20

     Estados membros      Estados representados da U.E.      Estado invitado

O Grupo dos 20, coñecido habitualmente como G20 ou G-20, é un foro de 19 estados, máis a Unión Europea, onde se reúnen regularmente, dende 1999, xefes de Estado, gobernadores de bancos centrais e ministros de finanzas. Está constituído por sete dos países máis industrializados -Alemaña, Canadá, Estados Unidos, Francia, Italia, o Reino Unido e o Xapón (G7), máis Rusia (G8), máis once países recentemente industrializados de todas as rexións do mundo, así como a Unión Europea. Dende 2009, o G20 desprazou ao G8 e ao G8+5 como foro de discusión da economía mundial.

Función

É un foro de cooperación e consultas entre os países en temas relacionados co sistema financeiro internacional. Estuda, revisa e promove discusións sobre temas relacionados cos países industrializados e as economías emerxentes, co obxectivo de manter a estabilidade financeira internacional, e de encargarse de temas que estean máis aló do ámbito de acción doutras organizacións de menor xerarquía.

Historia

O Grupo dos Vinte (G20) de Ministros de Finanzas e Gobernadores de bancos centrais estabeleceuse en 1999, para reunir ás economías industrializadas e en desenvolvemento máis relevantes e debater cuestións clave na economía mundial. A conferencia inaugural do G20 levouse a cabo en Berlín do 15 ao 16 de decembro de 1999, organizada polos ministros de finanzas de Alemaña e o Canadá.

O Cume de Washington celebrado o 15 de novembro de 2008 na capital estadounidense, é considerado como unha das reunións máis importantes do G20, xa que tratou da reforma do sistema financeiro mundial. Foi proposto pola Unión Europea e organizado polos Estados Unidos. O 2 de abril de 2009 celebrouse o chamado Cume de Londres. En setembro de 2009 tivo lugar a reunión de Pittsburgh, Estados Unidos, onde formalmente se decidiu que o G-20 substituíse ao G8 ou ao G8+5 de aí en diante no concernente aos plans de desenvolvemento mundial en conxunto. O 26 de xuño de 2010 celebrouse o cuarto cume do G-20 de Toronto, Canadá. A conferencia do G-20 en Seúl, Corea do Sur, tivo lugar en novembro de 2010. Dende ese ano, o número de invitados sería de cinco.

Membros

Rexión	Membro	Comercio mil. USD (2012)	PIB Nominal mil. USD (2012)	PIB (PPA) mil. USD (2012)	Nom. per capita USD (2012)	PPA. per capita USD (2012)	IDH (2012)	Poboación	Clasificación económica (FMI)
Europa	Alemaña	2 768 000	3 400 579	3 197 069	41.512	39.028	0,920	81 757 600	Avanzada
Oceanía	Australia	522.000	1 541 797	970.764	67.722	42.640	0,938	22 328 632	Avanzada
Oriente Medio	Arabia Saudita	518.300	727.307	906.806	25.084	31.275	0,782	27 123 977	Desenvolv.
América do Sur	Arxentina	152.690	474.954	743.121	11.576	18.112	0,811	40 117 096	Desenvolv.
América do Sur	Brasil	494.800	2 395 968	2 355 586	12.078	11.875	0,730	193 088 765	Desenvolv.
América do Norte	Canadá	962.600	1 819 081	1 488 311	52.231	42.734	0,911	34 088 000	Avanzada
Asia	China	3 801 000	8 227 037	12 405 670	6.075	9.161	0,699	1 339 724.852	Desenvolv.
Asia	Corea do Sur	1 068 700	1 155 872	1 613 921	23.112	32.272	0,909	50 004 441	Avanzada
América do Norte	Estados Unidos	3 969 000	15 684 750	15 684 750	49.922	49.922	0,937	316 173 000	Avanzada
Europa	Francia	1 226 400	2 608 699	2 254 067	41.140	35.547	0,893	65 447 374	Avanzada
Asia	India	809.400	1 824 832	4 684 372	1.491	3.829	0,554	1 210 193.422	Desenvolv.
Asia	Indonesia	384.100	878.198	1 216 738	3.592	4.977	0,629	237 556 363	Desenvolv.
Europa	Italia	953.000	2 014 079	1 832 916	33.115	30.136	0,881	60 325 805	Avanzada
América do Norte	México	756.800	1 177 116	1 758 896	10.247	15.311	0,775	112 211 789	Desenvolv.
África	Suráfrica	208.000	384.315	582.391	7.506	11.375	0,629	53 000 000	Desenvolv.
Europa	Reino Unido	1 127 000	2 440 505	2 336 295	38.588	36.941	0,875	62 041 708	Avanzada
Eurasia	Rusia	900.600	2 021 960	2 513 299	14.246	17.708	0,788	143 400 000	Desenvolv.
Europa	Turquía	370.800	794.468	1 123 380	10.609	15.001	0,722	72 561 312	Desenvolv.
Europa	Unión Europea	4 567 000	16 414 483	16 073 550	32.708	32.028	0,876	501 259 840	N/A
Asia	Xapón	1 649 800	5 963 969	4 627 891	46.735	36.265	0,912	127 390 000	Avanzada

Galería

• 
  2ª Cume do G20 realizada en Londres, Reino Unido
• 
  3ª Cume do G20 realizada en Pittsburgh, EE.UU.
• 
  4ª Cume do G20 realizada en Toronto, Canadá
• 
  5ª Cume do G20 realizada en Seúl, Corea do Sur
• 
  6ª Cume do G20 realizada en Cannes, Francia
• 
  7ª Cume do G20 realizada en Los Cabos, México