Rexión de Odesa

Situación da rexión de Odesa en Ucraína.

A rexión de Odesa (en ucraíno Одеська область, "Odeska oblast"; nome informal: Одещина, "Odeshyna") é unha rexión (oblast) do suroeste de Ucraína, con capital na cidade de Odesa.

Ten unha superficie de 33.000 km², abarcando o 5,5% do territorio do país. A súa poboación alcanzaba en 2013 os 2.395.358 habitantes, cerca do 5% da poboación do país.^{[Cómpre referencia]}

Os principais ríos que a atravesan son o Danubio e o Dniéster.

Divisións administrativas

Distritos da rexión.

A rexión de Odesa está dividida en 26 distritos (s. район, "raion", pl. райони, raiony, subdivisión administrativa similar ás comarcas galegas^{[Cómpre referencia]}) e 7 cidades que non dependen de ningún distrito, senón directamente da rexión.

Estas últimas son as cidades de:

• Bilhorod-Dnistrovskyi (Білгород-Дністровський)
• Izmail Ізмаїл).
• Illichivsk (Іллічівськ).
• Kotovsk (Котовськ).
• Odesa (Одеса).
• Teplodar (Теплодар).
• Yuzhne (Южне).

Composición da poboación

Demograficamente a rexión é considerada un enclave multiétnico:

• ucraínos: 62,8 % (principalmente na zona norte);
• rusos: 20,7 % (principalmente na zona sur);
• búlgaros: 6,1 %;
• romaneses: 5 %;
• gagaúzos: 1,1 %;
• xudeus: 0,5 %;
• armenios: 0,3 %;
• xitanos: 0,2 %

Historia

A rexión inclúe a parte sur do territorio histórico da Besarabia, chamado Budzhak, que pertenceu historicamente ao Principado de Moldavia e que foi anexionado en 1812 polo Imperio Ruso.

Nestas terras viviron escitas, sármatas, romanos, godos, rus de Kiev, hunos, mongois, tártaros, gagaúzos, turcos etc. Os pobos turcos, como os tártaros, gagaúzos e turcos, legaron moitos dos topónimos da metade sur da rexión.

A rexión uniuse ao Reino de Romanía en 1918 e foi novamente ocupada pola Unión Soviética en 1940 en virtude do pacto Ribbentrop-Molotov.

Actualmente esta rexión do oeste de Ucraína declaraou a súa independencia, promovida polos prorrusos, para adherirse despois á Federación Rusa, como o fixo a República Autónoma de Crimea.

Galería

• 
  Estación de ferrocarril de Odesa
• 
  Paisaxe típica de carrizos (Phragmites australis) no delta do Danubio, reserva da biosfera
• 
  Imaxe de satélite do liman (albufeira) do Dniéster
• 
  A fortaleza de Bilhorod-Dnistrovskyi ou Akkerman